मुंबई | आर्थिक घडी कोरोना संकटामुळे बिघडली आहे. त्यातच आता केंद्र सरकारने कोट्यवधी कमर्चाऱ्यांना आणखी एक मोठा झटका दिला आहे. सरकारने २०१९-२० या वर्षासाठीचा कमर्चारी भविष्य निर्वाह निधीवरील (EPFO) व्याज दोन टप्प्यात देण्याचे ठरवले आहे. २०१९-२० या वर्षासाठी ईपीएफओ सदस्यांना ८.५ टक्के व्याज मिळणार आहे. त्यातील ८.१५ टक्के तूर्त आणि नंतर उर्वरित ०.३५ टक्के व्याजाची रक्कम अदा केली जाणार आहे.
कर्मचारी भविष्य निर्वाह निधी च्या (ईपीएफओ) ग्राहकांना ८.५ टक्के दराने व्याज मिळणार आहे. आज हा निर्णय ईपीएफओच्या केंद्रीय मंडळाच्या बैठकीत घेण्यात आला आहे. पहिल्या टप्प्यात ईपीएफओ ग्राहकांना ८.१५ टक्के दराने व्याज देईल, उर्वरित ०.३५ टक्के डिसेंबरमध्ये भरले जातील. ईपीएफओ ग्राहकांना व्याज देण्यासाठी आपली इक्विटी गुंतवणूक विक्री करेल. याआधी मार्च महिन्यात २०१९-२० या वर्षासाठी ८.५० टक्के व्याजदर निश्चित करण्यात आला होता. मात्र मागील सहा महिन्यात सरकारची आर्थिक स्थिती बिकट बनल्याने ‘ईपीएफ’वर तूर्त ८.१५ टक्के व्याज देण्याचे ठरवण्यात आले.
२०१९-२० साठी कर्मचारी भविष्य निर्वाह निधी (ईपीएफ) वर ८.५ टक्के व्याज निश्चित केले गेले होते, परंतु अद्याप त्यास सूचित केले गेले नाही. पीपीवर ८.१५ टक्के परताव्यासाठी ईपीएफओकडे निधी असल्याने, केंद्रीय विश्वस्त मंडळाने (सीबीटी) आपला उर्वरित ०.३५ टक्के ईटीएफ विक्री करावी लागेल. सीबीटीला मार्चमध्येच ईटीएफ होल्डिंगची विक्री करायची होती, परंतु नंतर बाजारात मोठी घसरण झाल्यामुळे ही योजना रद्द करण्यात आली. हा प्रस्ताव जूनपर्यंत वैध होता, आता त्याचे नूतनीकरण करण्यात आले.
