पिंपरी | महाईन्यूज | प्रतिनिधी
दिवंगत माजी पंतप्रधान अटलबिहारी वाजपेयी यांच्या जयंतीनिमित्त व्याख्यान आयोजित करण्यात आले आहे. ‘सावरकर विचार दर्शन’ या विषयावर ज्येष्ठ अभिनेते शरद पोंक्षे यांचे व्याख्यान होणार आहे. स्वातंत्र्यवीर सावरकर व अटलबिहारी वाजपेयी यांना यावेळी अभिवादन करण्यात येणार आहे.
निगडी येथील खान्देश मित्र मंडळ, काचघर चौक, प्राधिकरण येथे बुधवार (दि. 25) सायंकाळी सहा वाजता व्याख्यान होईल. महापौर उषा ढोरे, खासदार अमर साबळे, भाजपाचे शहराध्यक्ष आमदार लक्ष्मण जगताप, महेश लांडगे, उपमहापौर तुषार हिंगे, पिंपरी-चिंचवड नवनगर विकास प्राधिकरणाचे माजी अध्यक्ष सदाशिव खाडे, राज्य लोकलेख समितीचे अध्यक्ष ॲङ सचिन पटवर्धन, महापालिका सभागृह नेते एकनाथ पवार, स्थायी समितीचे सभापती विलास मडिगेरी, खादी ग्रामोद्योगचे महाराष्ट्र माजी अध्यक्ष हेमंत तापकीर, अण्णा भाऊ साठे महामंडळाचे माजी अध्यक्ष अमित गोरखे, उमा खापरे, महापौर आर. एस. कुमार, नितीन काळजे, राहुल जाधव, चिंचवड विधानसभा संयोजक नगरसेवक ॲड. मोरेश्वर शेडगे, पिंपरी विधानसभा संयोजक राजू दुर्गे, भोसरी विधानसभा संयोजक विजय फुगे आदी उपस्थित राहणार आहेत.
आम्ही सारे सावरकर या संकल्पनेनुसार हा कार्यक्रम आयोजित केला आहे. स्वातंत्र्यवीर सावकर यांचे वैचारिक वारसदार म्हणून शरद पोंक्षे यांची ओळख आहे. त्यामुळे त्यांच्या वाणीतून ओघवत्या शैलीत सावरकर यांच्या विचारांचे दर्शन घडणार आहे. भारतीय जनता पार्टी, पिंपरी-चिंचवड शहर-जिल्हा, सर्व सावरकर प्रेमी व अमोल थोरात युथ फाऊंडेशन, पिंपरी-चिंचवड यांच्या वतीने आयोजन केले आहे. स्वातंत्र्यवीर सावरकर यांच्या सर्व प्रेमींनी व नागरिकांनी या वेळी मोठ्या संख्येने उपस्थित राहून कार्यक्रमाचा लाभ घ्यावा, असे आवाहन कार्यक्रमाचे संयोजक व भाजपा संघटन सरचिटणीस थोरात यांनी केले आहे.
