- ऑस्ट्रेलिया-पाकिस्तान कसोटी मालिका
पहिल्या कसोटी सामन्यात रविवारी पाकिस्तानचा एक डाव आणि पाच धावांनी पराभव करून ऑस्ट्रेलियाने दोन कसोटी सामन्यांच्या मालिकेत १-० अशी आघाडी मिळवली आहे.
पहिल्या डावात ३४० धावांनी पिछाडीवर पडलेल्या पाकिस्तानचा दुसरा डाव सामन्याच्या चौथ्या दिवशी ३३५ धावांत आटोपला. बाबर आझमने १०४ धावांची झुंजार खेळी साकारली. मोहम्मद रिझवानला (९५) शतकाने हुलकावणी दिली. जोश हॅझलवूड (४/६३), मिचेल स्टार्क (३/७३) आणि पॅट कमिन्स (२/६९) यांनी पाकिस्तानच्या फलंदाजांवर अंकुश ठेवला. मार्नस लबूशेनला सामनावीर पुरस्काराने गौरवण्यात आले.
संक्षिप्त धावफलक
पाकिस्तान (पहिला डाव) : सर्व बाद २४०
ऑस्ट्रेलिया (पहिला डाव) : ५८०
पाकिस्तान (दुसरा डाव) : ८४.२ षटकांत सर्व बाद ३३५ (बाबर आझम १०४, मोहम्मद रिझवान ९५; जोश हॅझलवूड ४/६३)
