मुंबई – इंडियन सुपर फुटबॉल लीगच्या ( खडङ) पाचव्या हंगामाला 29 सप्टेंबरपासून कोलकाता येथील सॉल्ट लेक स्टेडियमवरून सुरुवात होणार आहे. आयएसएलचा चषक दोनवेळा उंचावणाऱ्या ऍटलेटिको दी कोलकाता आणि केरळा ब्लास्टर्स यांच्यात उद्घाटनीय सामना खेळवण्यात येणार आहे. सलग दुसऱ्या वर्षी लीगचा पहिला सामना कोलकाता आणि केरळ यांच्यात होणार आहे.
गतउपविजेत्या बेंगळूरु एफसी आणि गतविजेत्या चेन्नईयन एफसी यांच्यात दुसरा सामना 30 सप्टेंबरला बेंगळूरुत खेळवला जाईल. 2017-18 च्या अंतिम सामन्याची ही पुनर्लढत असेल. त्यापाठोपाठ नॉर्थ ईस्ट युनायटेड आणि एफसी गोवा, तर मुंबई एफसी आणि जमशेदपूर एफसी यांच्यात लढती होतील.
आता केवळ 59 लढतींचे वेळापत्रक जाहीर करण्यात आले आहे.
2018-19 हे हंगाम तीन टप्प्यांत पार पडणार आहे. फिफा विंडोमुळे 8 ते 16 ऑक्‍टोबर व 12 ते 20 नोव्हेंबर या कालावधीत चे सामने होणार नाही. 2019 मध्ये युएईत होणाऱ्या आशियाई चषक स्पर्धेच्या तयारीसाठी 17 डिसेंबरपासून लढती होणार नाहीत. त्याशिवाय आगामी हंगामात दिवसाला दोन सामने नसतील आणि प्रत्येक सामना सायंकाळी 7:30 वाजल्यापासून खेळविण्यात येईल.
