कोलकाता : पश्चिम बंगालमधील एका 18 वर्षीय तरूणीने गळफास लावून आत्महत्या केल्याची खळबळजनक घटना घडली आहे. धक्कादायक म्हणजे फेसबुकवर बॉयफ्रेण्डशी चॅट करत असताना तिने आत्महत्या केली व संपूर्ण घटनेचं फेसबुकवर लाईव्ह स्ट्रिमिंग केलं.
आत्महत्या केलेली १८ वर्षीय तरुणी सोनारपूरच्या बयेदेपरा परिसरातील रहिवासी आहे. तरुणीने फेसबुक लाईव्हदरम्यानच आत्महत्या केली. आत्महत्या करते वेळी ती एका व्यक्तीशी चॅट करत होती. तो व्यक्ती तिचा बॉयफ्रेण्ड असल्याची माहिती असल्याचं वरिष्ठ पोलीस अधिकाऱ्याने सांगितलं आहे. मौसमी मिस्त्री असून 12वीत शिकणाऱ्या तरूणीचं नाव असून तिचा मृतदेह सोमवारी तिच्या घरी पंख्याला लटकलेल्या अवस्थेत सापडला.
शनिवारी आपल्या बॉयफ्रेंडला भेटून आली होती. त्याला भेटून आल्यावर ती प्रचंड रागात होती. घरी परतल्यानंतरही तिचा राग कायम होता. घरी आली तेव्हा ती कोणाशीच काही बोलत नव्हती. शांत बसून राहिली होती अशी माहिती तिच्या आईने दिल्याचं पोलिसांनी सांगितलं आहे. तरूणी व तिच्या बॉयफ्रेण्डमध्ये काहीतरी कारणावरून चॅट करत असतानाही वाद झाले. त्यावेळी आत्महत्या करणार असल्याचं तिने प्रियकराला सांगितल्याची माहिती मिळते आहे. दरम्यान, पोलिसांनी तरूणीच्या प्रियकराला चौकशीसाठी ताब्यात घेतलं असून मुलीच्या मोबाइलमधील चॅट्सचे स्क्रीनशॉटही घेतले आहेत. सखोल चौकशीनंतर सर्वकाही स्पष्ट होइल, असं पोलिसांनी सांगितलं.
