आक्षेपार्ह कमेंट करणाऱ्यांना राखीचं सडेतोड उत्तर
‘आयटम गर्ल’ म्हणून बॉलिवूडमध्ये प्रसिद्धीझोतात आलेली राखी सावंत सध्या चर्चेत असते ते म्हणजे तिच्या सोशल मीडिया पोस्ट किंवा एखाद्या वादग्रस्त विधानामुळे. बऱ्याच दिवसांपासून ती कोणत्या मोठ्या प्रोजेक्टमधून झळखली नसली तरीही तिच्याभोवती असणारं चर्चा आणि वादांचं वलय मात्र राखीला चर्चेत आणण्यास पुरेसं ठरतं. सध्याही ती अनेकांचं लक्ष वेधत आहे ते म्हणजे सोशल मीडियावर एका युजरला दिलेल्या सडेतोड उत्तरामुळे.
राखी इन्स्टाग्रामवर बऱ्यापैकी सक्रिय आहे. मुख्य म्हणजे तिच्या प्रत्येक पोस्टवर अनेक कमेंट्सही येतात. ज्यामध्ये तुलनेने आक्षेपार्ह कमेंटचं प्रमाण जास्त असतं. याचविषयी राखीला एका युजरने प्रश्न विचारत ‘राखी मी नुकतच तुझ्या इन्स्टाग्राम पोस्टवरील कमेंट्स वाचल्या. ज्यामध्ये बऱ्याच आक्षेपार्ह कमेंट्स होत्या. तू या सर्व कमेंट्सचा सामना कशा प्रकारे करतेस?’, अशी कमेंट लिहिली.