#UPElection: “सत्तेत आलो तर २४ तासांत ३०० युनिटपर्यंत मोफत वीज देणार” ; ‘आप’ची घोषणा!
उत्तर प्रदेश |
उत्तर प्रदेश विधानसभा निवडणुकीच्या पार्श्वभूमीवर आता राजकीय वातावरण चांगलच तापायला लागलं आहे, सर्वच पक्षांनी कंबर कसली असून, जास्तीजास्त मतदारांना आपल्याकडे खेचण्यासाठी जोरदार प्रयत्न केले जात असल्याचे दिसत आहे. याच पार्श्वभूमीवर आज आम आदमी पार्टीने देखील मोठी घोषणा केली आहे. दिल्लीचे उपमुख्यमंत्री व आम आदमी पार्टीचे नेते मनीष सिसोदिया यांनी पत्रकारपरिषदेत याबाबत माहिती दिली आहे. जर उत्तर प्रदेशमध्ये आम आदमी पार्टीचं सरकार आलं तर राज्यातील जनतेला ३०० यूनिट मोफत वीज दिली जाईल, असं त्यांनी सांगितलं आहे.
आम आदमी पार्टी की सरकार बनने पर UP को मिलेगी –
1️⃣प्रति घर 300 यूनिट मुफ्त बिजली
2️⃣किसानों को मुफ़्त बिजली
3️⃣पुराने बकाया बिल माफ़
4️⃣24 घंटे बिजली21वीं सदी के UP को 24 घंटे बिजली मिलनी चाहिए।#KejriwalKiBijliGuarantee pic.twitter.com/9VoARdFFmf
— Manish Sisodia (@msisodia) September 16, 2021
याबाबत मनीष सिसोदिया यांनी ट्विट देखील केलं असून त्यामध्ये ते म्हणातात, उत्तर प्रदेशमध्ये नागरिकांना अवास्तव वीज बिलांपासून मुक्ती देण्यासंबंधी एक महत्वपूर्ण घोषणा..आम आदमी पार्टीचं सरकार आल्याच्या २४ तासांत प्रत्येक व्यक्तीस घरगुती वापरासाठी प्रत्येक महिन्याला ३०० यूनिट पर्यंत मोफत वीज मिळेल.
उत्तर प्रदेश में महँगी बिजली के बिलों से मुक्ति दिलाने के सम्बंध में एक महत्वपूर्ण घोषणा .
आम आदमी पार्टी की सरकार बनने के 24 घंटे के अंदर हर आदमी तो घरेलू उपयोग के लिए 300 यूनिट तक बिजली फ़्री मिलेगी https://t.co/VdTJOL53qf
— Manish Sisodia (@msisodia) September 16, 2021
याशिवाय जुने वीज बील माफ, प्रत्येक घरी २४ तास वीज, शेतकऱ्यांना मोफत वीज देण्याचे देखील आश्वासन आम आदमी पार्टीकडून देण्यात आलेलं आहे.
