दोन दुचाकींच्या धडकेत कंटेनरने चिरडलं, दोघांचा जागीच मृत्यू एक गंभीर जखमी
नंदुरबार : नंदुरबार जिल्ह्यातील शहादा – सारंगखेड्या रत्यावर दोन दुचाकींच्या धडक झाल्यानंतर मागून येणारा कंटेनरने दुचारीस्वारांना चिरडल्याने दोन जण जागीच ठार झाले आहे. तर एक जण गंभीर जखमी झाला आहे. या घटनेमुळे परिसरात खळबळ उडाली असून पोलीस तपास सुरू असल्याची माहिती आहे.
शहादा तालुक्यातील अनदर बारी जवळील उमीया या हॉटेल जवळ दोन दुचाकींची सामोरा समोर धडक झाली. यावेळी मागून येणाऱ्या कंटेनर चालकाचा वाहनावरील ताबा सुटल्याने त्याने दुचाकीवरील दोघांना चिरडले. या अपघातात दोनजण जागीच ठार झाले असून एका दुचाकीवरील एक जण गंभीर जखमी झाला आहे. त्याला उपचारासाठी रुग्णालयात हलविण्यात आले आहे.
अपघातात मयत दोन्हीही मध्यप्रदेश खेतीय येथील रहिवाशी असून शिरपुर येथून ते खेतीयाकडे जात होते. तर दुसऱ्या दुचाकीवरील एकजण गंभीर जखमी असून त्याला उपचारासाठी रुग्णालयात दाखल करण्यात आले आहे. सारंगखेडा पोलीस याबाबतचा अधिकचा तपास करत आहे.