गुंडगिरीचा कळस! ११ जणांकडून धक्कादायक कृत्य, शिवी दिली म्हणून नग्न करून अमानुष मारहाण

इतकंच नाहीतर ११ जणांनी मिळून जीवे मारण्याचा प्रयत्न केल्याचंही समोर आलं आहे. पोलिसांच्या सतर्कतेमुळे या विद्यार्थ्याचा जीव वाचला असला तरी त्याला गंभीर दुखापत झाली आहे. या प्रकरणी पोलिसांनी पाच जणांना अटक केली असून सहाजण अद्याप फरार आहेत. आरोपींपैकी दोघेजण सराईत गुन्हेगार आहेत तर इतर नऊजण त्याचे हस्तक म्हणून काम करतात. या प्रकारामुळे लातूरमधील विद्यार्थ्यांमध्ये चांगलीच दहशत पसरली आहे.

एक शांत शहर म्हणून लातूरची ओळख आहे. त्यात शिक्षण क्षेत्रात लातूरने वेगळा पॅटर्न निर्माण केला. त्यामुळे शहरात बाहेरून येणाऱ्या विद्यार्थ्यांची संख्या मोठी आहे. मात्र, येथील वाढत्या गुन्हेगारीमुळे विद्यार्थ्यांमध्ये दहशत होत असून यामुळे पालकांची चिंता वाढली आहे.