डोंबिवली-बदलापूर पाईपलाईन रोडवरील एका हॉटेलमधील व्यवस्थापकाला उधारीचं बिल मागितल्यानं मारहाण
![A manager of a hotel on Dombivli-Badlapur Pipeline Road was beaten up for asking for a loan bill](https://mahaenews.com/wp-content/uploads/2022/07/A-manager-of-a-hotel-on-Dombivli-Badlapur-Pipeline-Road-was-beaten-up-for-asking-for-a-loan-bill.jpg)
कल्याण : डोंबिवली-बदलापूर पाईपलाईन रोडवरील एका हॉटेलमधील व्यवस्थापकाला उधारीचं बिल मागितल्यानं मारहाण करण्यात आली आहे. ही धक्कादायक घटना बुधवारी रात्री घडली आहे. या प्रकरणी पोलीस ठाण्यात गुन्हा दाखल करण्यात आलेला आहे. व्यवस्थापकाला मारहाण करणाऱ्यांना अटक करुन कठोर कारवाई करण्यात यावी, अशी मागणी करण्यात आली आहे. पोलिसांकडून आरोपींचा शोध घेण्यात येत आहे.
मारहाण सीसीटीव्हीत कैद
उधार दिलेल्या जेवणाचा बिलाची मागणी हॉटेल मॅनेजरच्या चांगलंच अंगलट आलं आहे.डोंबिवली-बदलापूर पाईपलाईन रोडवरील सागर हॉटेल मध्ये बुधवारी रात्री १०:३० वाजता हा प्रकार घडला आहे.आठ जणांच्या टोळक्याने हॉटेल मॅनेजरला बेदम मारहाण केली हिललाईन पोलीस ठाण्यात गुन्हा दाखल करण्यात आला आहे.सदर घटना सीसीटीव्ही मध्ये कैद झाली आहे.
डोंबिवली-बदलापूर पाईपलाईन रोडवरील सागर हॉटेलमध्ये काम करणाऱ्या कृष्णा मान या हॉटेल मॅनेजरला बेदम मारहाण करण्यात आली आहे. महामार्गालगत असलेल्या पाले गावातील देवराम वारिंगे व त्याच्या अन्य सात साथीदारांनी या हॉटेल मॅनेजरला बेदम मारहाण केली आहे. या मारहाणीची संपूर्ण घटना सीसीटीव्ही कॅमेऱ्यात कैद झाली आहे. याप्रकरणी हिललाईन पोलिसांनी आरोपींच्या विरोधात गुन्हा दाखल करत आरोपींचा शोध सुरू केला आहे.
देवराम वारींगे व त्याचे साथीदार सध्या ग्रामीण भागातील हॉटेल्स आणि ढाब्यांवर जाऊन उधारीवर जेवण करून आपली दहशत निर्माण करण्याचा प्रयत्न करत असल्याचं चित्र आहे. वारिंगे याच्यासोबत विठ्ठलवाडी पोलीस ठाण्याच्या हद्दीतील काही तरुण देखील येत आहेत. त्यामुळे ग्रामीण भागात दहशत निर्माण करणाऱ्या या शहरी गुंडांचा वेळीच बंदोबस्त करण्यासाठी पोलिसांनी तातडीने कारवाई करावा, अशी मागणी होत आहे. त्यामुळे हे फरार आरोपी कधी पोलिसांच्या हाती लागणार हेच पाहणं महत्वाचं ठरणार आहे.