breaking-newsक्रिडा
जागतिक बॅडमिंटन स्पर्धा : किदाम्बी श्रीकांतची तिसऱ्या फेरीत धडक
![](https://mahaenews.com/wp-content/uploads/2018/08/kidambi-shrikath-.jpg)
नानजिंग – जागतिक बॅडमिंटन स्पर्धेतील पुरुष एकेरीत भारतीय बॅडमिंटनपटू किदाम्बी श्रीकांतने आज स्पेनच्या पाब्लो अबियायनचा धुव्वा उडवत तिसऱ्या फेरीत प्रवेश केला. किदाम्बी श्रीकांतने पाब्लो अबियायनचा २१-१५, १२-२१, २१-१४ असा तीन सेटमध्ये पराभव केला.
पहिला सेट श्रीकांतने २१-१५ जिंकला होता. परंतु दुसऱ्या सेटमध्ये पाब्लो अबियायनने आक्रमक खेळी करून १२-२१ अशी बाजी मारली. दोघांमध्ये बरोबरी झाल्याने पुढील फेरी कोण गाठणार याची उत्सुकता सर्वांनाच लागली होती. मात्र तिसऱ्या सेटमध्ये किदाम्बी श्रीकांतने संयमी खेळी करत पाब्लो अबियायनने २१-१४ असा धुव्वा उडविला. व तिसरी फेरी गाठली.