पुणे | पुण्यातील अलंकार पोलीस स्टेशनच्या हद्दीमधील एक गैरप्रकार समोर आला आहे. विद्यार्थ्याच्या घरी शिकवणीसाठी येणाऱ्या शिक्षिकेचे वॉशरूममधील व्हिडिओ अल्पयीन विद्यार्थ्याने आपल्या मोाबाइलमध्ये रिकॉर्ड केल्याचं समोर आलं आहे. शिक्षणाचे माहेरघर असणाऱ्या पुण्यात हा प्रकार घडला.
१६ वर्षीय अल्पयीन विद्यार्थ्याने आपल्याच घरातील वॉशरूममध्ये मोबाइल ठेवून शिक्षिकेचे नैसर्गिक विधी करत असतानाचे आपल्या मोबाइलमध्ये व्हिडिओ रेकॉर्ड केले. शिक्षिकेचे व्हिडिओ रेकॉर्ड करण्यासाठी विद्यार्थ्यानेच वॉशरूममध्ये मोबाइल लपवून ठेवल्याचं पोलीस तपासात समोर आलं आहे.
शिक्षिका विद्यार्थ्याला घरी शिकवत असताना अल्पयीन विद्यार्थ्याने शिक्षिकेचा छातीचा व्हिडिओही मोबाइलमध्ये रेकॉर्ड केल्याचं पीडित शिक्षिकेने आपल्या तक्रारीत म्हटलं आहे. या प्रकरणी एका ५६ वर्षांच्य पीडित शिक्षिकेच्या तक्रारीवरून पुण्यातील अलंकार पोलीस स्टेशनमध्ये अल्पवयीन मुलाला विरोधात विनयभंग आणि आयटी ऍक्ट नुसार गुन्हा दाखल करण्यात आला आहे. मात्र, या घटनेमुळे शिक्षणाचं माहेरघर समजल्या जाणाऱ्या पुणे शहरात एकूणच खळबळ उडाली आहे.
गेल्या ५ वर्षांपासून ज्या विद्यार्थ्याला शिकवणी देण्यास आपण जायचो, त्याच विद्यार्थ्याने असे किळसवाणे कृत्य केल्याने शिक्षिकेला प्रचंड मानसिक धक्का बसला आहे. अल्पवयीन मुलावर IPC 354(c) आणि IT ACT 66(e) नुसार गुन्हा दाखल करण्यात आला आहे. त्याचा मोबाइल ताब्यात घेण्यात आला आहे. आरोपी अल्पवयीन मुलाला चाइल्ड वेल्फेअर कमिटी समोर हजर करण्यात येणार असल्याची माहिती वरिष्ठ पोलीस निरीक्षक रवींद्र सहाणे यांनी दिली आहे.
