पर्यावरण मंत्री पंकजा मुंडे यांनी घेतला जिल्ह्यातील विकास कामांचा आढावा
बीड : श्री क्षेत्र परळी वैद्यनाथ ज्योर्तिलिंग मंदीर आणि परिसर विकास आराखडा आणि जिल्ह्यातील विविध विषयक कामकाजाचा सर्वंकष आढावा राज्याच्या पर्यावरण मंत्री पंकजा मुंडे यांनी आज बैठकीत घेतला व विविध प्रकरणे अधिकाऱ्यांना निर्देश देत काही विकासकामांबाबत मार्गदर्शनही दिले.
जिल्हाधिकारी कार्यालयात नियोजन सभागृहात ही बैठक पार पडली. यात जिल्हाधिकारी विवेक जॉन्सन, जिल्हा परिषदेचे मुख्य कार्यकारी अधिकारी जितिन रहेमान, अप्पर जिल्हाधिकारी हरिष धार्मिक यांची प्रमुख उपस्थिती होती.
प्रारंभी पर्यावरण मंत्री या नात्याने जिल्ह्यात एकल प्लास्टिकचा उपयोग रोखण्याबाबतच्या जागरण मोहिमेचे त्यांनी प्रतिकात्मक उद्घाटन केले. एकल प्लास्टिक वापर रोखण्यासाठी विविध उपाययोजना करण्यासाठी शाळकरी मुलांचा सहभाग उपयोगाचा ठरेल असे त्यांनी यावेळी सांगितले.
परळी येथील श्री क्षेत्र वैद्यनाथ मंदीर विकास आराखड्याचे फेर आखणी करण्यात आली. 301 कोटी रूपयांच्या या आराखड्यात पुर्ण परिसराच्या विकास करण्याबाबतच मेरू पर्वतावर 75 फुटांचे महादेव शिल्प तसेच 12 ज्योर्तिलिंगाची माहिती देणारे म्युझियम तसेच लाईट- अँड साऊंड अर्थात लेझर शो यांचेही नियोजन असणार आहे.
हेही वाचा – पालकमंत्री जयकुमार गोरे यांच्या पाठपुराव्याला यश : सोलापूर-मुंबई विमानसेवा २ ऑगस्टपासून पुन्हा सुरू
सध्या या ठिकाणी दरवषी 50 लाख भाविक भेट देतात. विकास आराखडा पुर्ण झाल्यानंतर या संख्येत मोठ्या प्रमाणावर वाढ होईल तसेच स्थानिक रोजगाराला देखील गती प्राप्त होणार आहे. याबाबतचे सादरीकरण यावेळी करण्यात आले. आराखडा पुर्ण करण्यासाठी मंदिरालगतच्या 09 एकर जागेचे भुमीसंपादन आवश्यक आहे. त्यामुळे मुळ आराखडा 286 कोटींवरून आता 301 कोटी रूपयांपर्यंत वाढला आहे.
नव्या आराखड्यानुसार पूर्व दिशेकडून भव्य असे प्रवेशद्वार त्यानंतर महानंदी मंदीर व पुढे मुख्य मंदीर राहणार असून परतीचा मार्ग उत्तर दिशेला असेल असे नियोजन आहे. याठिकाणी पार्किंग स्वतंत्र राहणार असून सर्व भाविकांची सर्व व्यवस्था विकसित करण्यात येणार आहे.
यावेळी त्यांनी नगरपरिषद प्रशासन विभाग, पशुसंवर्धन विभाग, क्रिडा विभाग आदींचाही आढावा घेतला.
