‘जनतेच्या मनातील मुख्यमंत्री..’ अजित पवारांचे पुण्यात पुन्हा झळकले बॅनर
![Ajit Pawar's banner appeared again in Pune](https://mahaenews.com/wp-content/uploads/2023/04/ajit-pawar-3-1-780x470.jpg)
पुणे : राष्ट्रवादीचे नेते अजित पवार भाजपसोबत जाणार असल्याच्या चर्चा काही दिवसांपासून सुरू होत्या. अजित पवार यांनी या चर्चांना पूर्णविराम दिला. दरम्यान २०२४ ला मुख्यमंत्रिपदावर दावा करण्याची गरज काय, मी आताही दावा सांगू शकतो. २०२४ ची कशाला वाट बघू, असं म्हणत राष्ट्रवादीचे नेते अजित पवार यांनी पहिल्यांदाच मुख्यमंत्रिपदाबद्दल मनातलं बोलून दाखवलं. यानंतर आता अजित पवार यांचा जनतेच्या मनातील मुख्यमंत्री म्हणून उल्लेख करत बॅनर लावले आहेत. यामुळे चर्चांना उधाण आले आहे.
कोथरूडमध्ये अजितदादांचे बॅनर्स लागले. जनतेच्या मनातील मुख्यमंत्री असं या बॅनर्सवर लिहिलेलं आहे. महाराष्ट्राच्या राजकारणाचा केंद्रबिंदू अजित पवार…असंही बॅनर्सवर लिहिलं आहे. या बॅनर्सवर अजितदादा पवार यांचा भला मोठा फोटो आहे. विशेष म्हणजे राष्ट्रवादीच्या कार्यकर्त्यांनी हे बॅनर्स लावले आहेत.
![](https://mahaenews.com/wp-content/uploads/2023/04/image-46-edited.png)