मुंबई वरळी सी लिंकवर लॅम्बोर्गिनी कारची रेलिंगला धडक, माजी आमदाराचा मुलगा जखमी
![Mumbai, Worli, C Link, Lamborghini car, collided with railing, ex-MLA, son injured,](https://mahaenews.com/wp-content/uploads/2023/09/mlas-Son-780x470.png)
मुंबई : मीरा-भाईंदरमधील भाजपचे माजी आमदार नरेंद्र मेहता यांच्या मुलाच्या कारचा शनिवारी सकाळी वरळी सी लिंकवर भीषण अपघात झाला. या अपघातात आमदार पुत्र तक्षशील किरकोळ जखमी झाले आहेत. मात्र, कारचे मोठे नुकसान झाले आहे. याप्रकरणी वरळी पोलिस ठाण्यात तक्षशीलविरुद्ध गुन्हा दाखल करण्यात आला आहे. भरधाव वेगात गाडी चालवणे आणि इतरांचा जीव धोक्यात घालणे याप्रकरणी पोलिसांनी आमदार मुलाविरुद्ध गुन्हा दाखल केला आहे. दुसरीकडे, आमदाराच्या मुलाचा अपघात झालेल्या ‘लॅम्बोर्गिनी हुराकन ईव्हीओ’ कारची भारतात किंमत 3.5 कोटी रुपयांपर्यंत आहे.
मिळालेल्या माहितीनुसार, तक्षशील नरेंद्र मेहता (19) हे शनिवारी सकाळी वांद्रेहून वरळीकडे आपल्या महागड्या कार ‘लॅम्बोर्गिनी हुराकन इव्हीओ’ने भरधाव वेगाने जात होते. त्यानंतर त्याचा गाडीवरील ताबा सुटला. यानंतर अनियंत्रित कार सी लिंकच्या रेलिंगला धडकली. कारची एअर बॅग उघडल्याने तक्षशील या अपघातातून बचावला असला तरी त्याचा उजवा हात मात्र भाजला आहे.
कारचे लक्षणीय नुकसान
या अपघातात कारचे मोठे नुकसान झाले असले तरी. वरळी पोलीस घटनास्थळी पोहोचले, त्यांनी तक्षशीलला तात्काळ गाडीतून बाहेर काढले आणि उपचारासाठी पोद्दार रुग्णालयात नेऊन त्याची वैद्यकीय तपासणी केली. दुसरीकडे, आमदाराच्या मुलाचा अपघात झालेल्या ‘लॅम्बोर्गिनी हुराकन ईव्हीओ’ कारची भारतात किंमत 3.5 कोटी रुपयांपर्यंत आहे.
वरळी पोलिसांनी गुन्हा दाखल केला
या संदर्भात वरळी पोलिसांनी तक्षशीलविरुद्ध बेदरकारपणे वाहन चालवून जीवितास धोका निर्माण केल्याप्रकरणी गुन्हा दाखल केला असून, पुढील तपास सुरू आहे.