मुंबईत NCBची कारवाई! मोठा साठा जप्त करत ड्रग्स पेडलरसह 5 जण ताब्यात
मुंबई: बॉलिवूडमधील ड्रग्स प्रकरण समोर आलं आहे. या प्रकरणाची पाळमुळं शोधण्यासाठी नार्कोटिक्स कंट्रोल ब्युरोनं मुंबईसह महाराष्ट्रात धडक कारवाई सुरू केली आहे . मुंबईत NCB नं रविवारी मोठी कारवाई केलेली आहे. या कारवाईत 6 किलो गांजासह एमडी आणि एलएसबी ड्रग्स मोठ्या प्रमाणात जप्त करण्यात आलेलं आहे. तर NCB नं 5 जणांना ताब्यात घेतलं आहे. त्यात 1 ड्रग्स पॅडलर तर 4 सप्लायर्सचा समावेश आहे. कारवाईत 3 एसयूव्ही गाड्या देखील भी जप्त केल्याची माहिती NCB च्या सूत्रांनी दिलेली आहे.
बॉलिवूडच्या प्रसिद्ध अभिनेत्रींची चौकशी झाल्यानंतर आता एनसीबीच्या रडावर बॉलिवूडमधील प्रसिद्ध दिग्दर्शक आणि निर्माते आहेत. हे निर्माते आणि दिग्दर्शकांकडे एनसीबीच्या छापेमारीस सुरूवात झाली आहे. मिळालेल्या माहितीसुसार शनिवारी रात्रभर ही छापेमारी सुरू होती असून यामध्ये काही प्रमाणात अंमली पदार्थ देखील जप्त करण्यात आले आहेत. मुंबईतील विविध भागांमध्ये ही छापेमारी सुरू आहे. यामध्ये बॉलिवूडमधील मोठे मासे गळाला लागण्याची शक्यता आहे. मुंबईतील लोखंडवाला, मालाड, अंधेरी आणि नवी मुंबई परिसरात शनिवारी रात्री छापेमारी करण्यात आली आहे.
दरम्यान एनसीबीने या निर्माते आणि दिग्दर्शकांची नावं उघड करण्यास नकार दिला आहे. सूत्रांच्या माहितीनुसार या निर्माते आणि दिग्दर्शकांच्या घरातून काही प्रमाणात अंमली पदार्थ देखील जप्त केलेले आहेत, शनिवारी रात्रीपासून सुरू असलेली छापेमारी अद्यापही सुरू आहे. एनसीबीने आतापर्यंत केलेल्या कारवाईत काही ड्रग पेडलर्सना अटक केली आहे. त्यांच्या चौकशीतून काही नावं समोर आली आहेत. त्या नावांच्या आधारेच एनसीबीने ही छापेमारी केली आहे. या पेडलर्सच्या जबाबाच्या आधारे अद्याप एनसीबीकडून कारवाई सुरू आहे.