उद्धव ठाकरेंची अयोध्या दौऱ्याची तारिख ठरली….
![](https://mahaenews.com/wp-content/uploads/2020/01/Untitled-111.png)
मुंबई | महाईन्यूज |
मुख्यमंत्री उद्धव ठाकरे यांची अयोध्या दौऱ्यावर जाण्याची तारिख ठरली असून येत्या सात मार्च रोजी पुन्हा एकदा अयोध्या दौऱ्यावर जाणार आहेत…याबाबतची माहिती शिवसेना नेते आणि राज्यसभा खासदार संजय राऊत यांनी दिली आहे. महाराष्ट्र सरकारच्या 100 दिवसपूर्तीला उद्धव ठाकरे अयोध्येत जाऊन श्रीरामाचं दर्शन घेणार होते, पण उद्धव ठाकरे आता सात मार्च अयोध्येला जाणार आहेत अशी माहिती राऊत यांनी दिली आहे.
![](https://mahaenews.com/wp-content/uploads/2020/01/Capture-48.png)
उद्धव ठाकरेंचा अयोध्येचा संपूर्ण कार्यक्रम ठरला असल्याचंही राऊतांनी सांगितलं आहे. तिथे ते रामल्लाचं दर्शन करतील आणि शरयूची तीरावर आरती करतील. या कार्यक्रमाठी हजारो शिवसैनिक देशभरातून येणार असल्याचं संजय राऊतांनी सांगितलं.
![](https://mahaenews.com/wp-content/uploads/2020/01/file72wn5mfpqdyih0gl2bh-1543138024.jpg)
“काँग्रेसच्या हंगामी अध्यक्षा सोनिया गांधी, काँग्रेसचे खासदार राहुल गांधी आणि राष्ट्रवादी काँग्रेसचे अध्यक्ष शरद पवार यांनीही राममंदिराच्या निकालाचं स्वागत केलं होतं. त्यामुळे सल्ले देणाऱ्यांनी आधी माहिती घ्यावी आणि नंतर बोलावं,” असं उत्तर संजय राऊतांनी विचारलेल्या प्रश्नाला देताना म्हणाले.