डॉ. डी. वाय. पाटील इन्स्टिट्यूट (DYPIMCAM) आकुर्डीच्या वतीने ‘निर्मल वारी सेवा २०२६’ उपक्रम यशस्वी!
विद्यार्थी आणि प्राध्यापकांचा उत्स्फूर्त सहभाग; वारकऱ्यांमध्ये जागवली स्वच्छतेची ज्योत
पिंपरी चिंचवड | आषाढी वारीच्या पावन पर्वानिमित्त डॉ. डी. वाय. पाटील इन्स्टिट्यूट ऑफ मास्टर ऑफ कॉम्प्युटर ॲप्लिकेशन अँड मॅनेजमेंट (DYPIMCAM), आकुर्डी येथील विद्यार्थी व प्राध्यापकांनी ‘निर्मल वारी सेवा २०२६’ या सामाजिक उपक्रमात अत्यंत उत्स्फूर्त सहभाग नोंदविला. ‘इग्नायटेड युथ फोरम’ (IYF) यांच्या सहकार्याने आणि डी. वाय. पाटील शैक्षणिक संकुल, आकुर्डी यांच्या समाजसेवेच्या समृद्ध परंपरेला अनुसरून हा उपक्रम यशस्वीरीत्या राबविण्यात आला.
स्वच्छता आणि समाजसेवेचा अनोखा संदेश
या उपक्रमांतर्गत महाविद्यालयातील विद्यार्थ्यांनी आणि प्राध्यापकांनी प्रत्यक्ष वारी मार्गावर उतरून सक्रिय सहभाग घेतला. तरुण स्वयंसेवकांनी वारीमध्ये सहभागी झालेल्या लाखो वारकऱ्यांमध्ये वैयक्तिक स्वच्छता (Hygiene) आणि परिसर स्वच्छतेबाबत प्रभावी जनजागृती केली. विविध फलक आणि घोषणांच्या माध्यमातून स्वच्छतेचा संदेश प्रसारित करण्यात आला. तसेच, वारी व्यवस्थापनात प्रशासनाला सहकार्य करत वारकऱ्यांना आवश्यक ती मदत आणि वैद्यकीय साहाय्य पुरवून विद्यार्थ्यांनी समाजसेवेचा एक आदर्श समाजासमोर ठेवला.
हेही वाचा
भारताच्या प्रगतीसाठी संशोधनावर लक्ष; पीसीयू कुलपती हर्षवर्धन पाटील
विद्यार्थ्यांमध्ये रुजली सामाजिक मूल्ये
या सेवाकार्यादरम्यान सहभागी विद्यार्थ्यांनी आपल्यातील सेवाभाव, शिस्त, सामाजिक उत्तरदायित्व, संघभावना (Teamwork) आणि नेतृत्वगुण यांचे उत्कृष्ट दर्शन घडविले. तंत्रज्ञानाचे शिक्षण घेणाऱ्या या तरुणांनी प्रत्यक्ष जमिनीवर उतरून केलेले हे कार्य कौतुकास्पद ठरले. या उपक्रमातून वारीच्या पवित्र वातावरणात स्वच्छता, आरोग्य, सामाजिक जाणीव आणि मानवतेचा संदेश वारकरी व नागरिकांपर्यंत अत्यंत प्रभावीपणे पोहोचविण्यात आला “डी. वाय. पाटील शैक्षणिक संकुलाची समाजसेवेची परंपरा खूप मोठी आहे. वारीच्या निमित्ताने विद्यार्थ्यांना मिळालेली ही सेवा करण्याची संधी त्यांच्यात सामाजिक जबाबदारीची जाणीव निर्माण करणारी आहे. विद्यार्थ्यांनी अत्यंत शिस्तीत आणि उत्साहाने हे कार्य पार पाडले.”
महाविद्यालय प्रशासन
या यशस्वी उपक्रमाबद्दल महाविद्यालयाच्या वतीने सहभागी सर्व विद्यार्थी स्वयंसेवक व प्राध्यापकांचे विशेष कौतुक व अभिनंदन करण्यात आले. समाजसेवा, स्वच्छता आणि सामाजिक उत्तरदायित्वाची मूल्ये जपणारा हा उपक्रम वारकरी तसेच स्थानिक नागरिकांसाठी अत्यंत प्रेरणादायी ठरला आहे.
महाईन्यूज-X वर फॉलो करा : महाईन्यूजला instagram वर फॉलो करा
