कारची धडक बसून; उड्डाणपुलावरुन ३० फूट खाली पडून दुचाकीस्वाराचा मृत्यू
![Hit by a car; Two-wheeler dies after falling 30 feet from flyover](https://mahaenews.com/wp-content/uploads/2022/03/Hit-by-a-ca.jpg)
मुंबई | उड्डाणपुलावर चुकीच्या दिशेने येणाऱ्या कारची धडक बसून जखमी झालेल्या दुचाकीस्वाराचा अपघातात मृत्यू झाला आहे. आदित्य देसाई असे या तरुणाचे नाव आहे. जे. जे रुग्णालयात कार्यरत असलेल्या निवासी डॉक्टरांविरोधात गुन्हा दाखल करण्यात आला असून पुढील तपास करण्यात येत आहे.
रविवारी मध्यरात्री १ ते २ च्या सुमारास पेडर रोडच्या केम्स कॉर्नर या पुलावर हा अपघात झाला आहे. सर्जरी विभागातील तिसऱ्या वर्षात शिकत असलेला निवासी डॉक्टर रेहान राशीद उड्डाणपुलावर चुकीच्या पद्धतीने कार चालवत असताना त्याने दुचाकीवरुन येणाऱ्या आदित्यला धडक दिली. यात आदित्य आदित्य पुलावरुन ३० फुट खाली कोसळला. हा अपघात इतका जबर होता की त्यात्या डोक्याला आणि पोटाला जबर मार लागला होता. बऱ्याच ठिकाणी फॅक्चरही होते. त्यावेळी गस्तीवर असलेल्या पोलिसांनी व निवासी डॉक्टरांनी घटनास्थळी धाव घेत जखमी आदित्यला जे. जे रुग्णालयात दाखल केले. मात्र, मंगळवारी त्याचा मृत्यू झाला.
या प्रकरणात डॉक्टरविरोधात गुन्हा दाखल करुन त्याला ताब्यात घेण्यात आलं आहे. तसंच, त्याच्या रक्ताचे नमुनेही घेतले असून त्याने मद्यपान केले होती की नाही हे स्पष्ट होणार आहे, असे गावदेवी पोलिसांचे म्हणणे आहे. यावेळी आरोपीची कार व आदित्यची बाईक पोलिसांनी जप्त केली आहे.