breaking-newsमुंबई
एकनाथ खडसेंना महावितरणकडून 1 लाख 4 हजारांचे वाढीव वीज बिल
![](https://mahaenews.com/wp-content/uploads/2019/03/296936-621421-khadse2.jpg)
मुंबई – राज्यात लॉकडाऊन काळात सामान्य नागरिकांसह अनेक सेलिब्रिटींनाही वाढीव वीजबिलाचा फटका बसला आहे. त्यातच आता भाजपाचे ज्येष्ठ नेते एकनाथ खडसे यांनाही महावितरणने चार महिन्यांचे तब्बल १ लाख ४ हजारांचे वाढीव वीज बिल पाठवून ‘शॉक’ दिला आहे.
एकनाथ खडसे यांच्या जळगाव येथील मुक्ताईनगरमधील घरासाठी महावितरणने एप्रिल ते जुलै या चार महिन्याचे तब्बल १ लाख ४ हजारांचे वाढीव वीज बिल पाठवले आहे. एकनाथ खडसे यांनी विजेचा वापर कमी असूनही इतके बिल आल्याने आश्चर्य व्यक्त केले आहे. लॉकडाऊनच्या या काळात येणारी वीज बिले अवास्तव असून ती न भरण्यासारखी आहेत. महावितरणने अशा पद्दतीने लोकांना वेठीस धरु नये. सरकारने महावितरणकडून पाठवण्यात येणाऱ्या अवास्तव बिलांची चौकशी केली पाहिजे. तसेच बिलामध्ये सवलत दिली पाहिजे, अशी मागणी एकनाथ खडसे यांनी केली आहे.