महाराष्ट्रातील ‘या’ जिल्ह्यात उभे राहणार देशातील तिसरे मोठे IT पार्क; मुख्यमंत्री फडणवीसांची घोषणा
पुणे : पुण्यातील हिंजवडी येथील आयटी पार्क हे महाराष्ट्रातील सर्वात मोठे आणि भारतातील दुसऱ्या क्रमकांचे जगप्रसिद्ध आयटी पार्क आहे. पुण्याच्या या हिंजवडी आयटी पार्कमध्ये अनेक परदेशी कंपन्यांची कार्यालये आहेत. पुण्याच्या या हिंजवडी आयटी पार्कमध्ये दररोज कोट्यावधीची उलाढाल होते. याचा थेट फायदा राज्याच्याच नाही तर देशाच्या अर्थव्यवस्थेला होतो.
पुण्याच्या या हिंजवडी आयटी पार्कमध्ये जागा अपुरी पडत आहे. कंपन्यांनाना वाहतूककोंडीसह अनेक समस्यांचा सामना करावा लागत आहे. पुण्यात 1500 एकर जागेवर आणखी एक मोठ नवीन IT पार्क उभारण्याची योजना आखली जात आहे. अशातच आता महाराष्ट्रातील एका जिल्ह्यात नवीन IT पार्क उभारले जाणार आहे.
वास्तविक, सोलापूरमध्ये आयटी पार्कची उभारणी लवकरच होणार असून, हे महाराष्ट्रातील दुसरे आणि देशातील तिसरे सर्वात मोठे आयटी पार्क असेल. महाराष्ट्राचे मुख्यमंत्री देवेंद्र फडणवीस यांनी १५ ऑक्टोबर २०२५ रोजी सोलापूर-मुंबई आणि सोलापूर-बंगळुरू विमानसेवेच्या उद्घाटनप्रसंगी ही घोषणा केली.
मुख्यमंत्री म्हणाले की, “सोलापूरचे विमानतळ कार्यान्वित झाल्याने लवकरच सोलापूरला आयटी पार्क उभारण्यात येईल. त्यामुळे स्थानिकांना रोजगाराच्या संधी उपलब्ध होतील, असा विश्वासही मुख्यमंत्री फडणवीस यांनी व्यक्त केला.”
पिंपरी-चिंचवडमधील हिंजवडी (महाराष्ट्रातील सर्वात मोठे आणि देशातील दुसरे) नंतर सोलापूर हे शहर आयटी हब म्हणून उदयास येईल, ज्यामुळे स्थानिक तरुणांना मोठ्या प्रमाणात रोजगार मिळेल आणि पुण्यासारख्या ठिकाणी स्थलांतरित होण्याची गरज भासणार नाही.
हेही वाचा – शेतकऱ्यांना दिलासा, आज खात्यात जमा होणार अतिवृष्टी नुकसान भरपाई
आयटी पार्कसाठी जागेचा शोध
सोलापूरमध्ये IT पार्कसाठी तयारी आधीच सुरु झाली आहे. मुख्यमंत्री फडणवीस यांनी आयटी पार्कसाठी योग्य जागा शोधण्याचे निर्देश दिले होते. जिल्हाधिकारी कुमार आशीर्वाद यांनी MIDC अधिकाऱ्यांना जागा शोधून प्रस्ताव सादर करण्याचे आदेश दिले आहेत. सध्या कुंभारी औद्योगिक वसाहत हा प्रस्ताव शहरापासून 8-10 किलोमीटर अंतरावर उपलब्ध आहे. या वसाहतीसाठी 964 हेक्टर जमीन संपादित करण्याचा विचार आहे आणि त्यासाठी 24 कोटी रुपयांची मागणी करण्यात आली होती, परंतु हा प्रस्ताव शासनाच्या कार्यालयात प्रलंबित होता. आता हा प्रस्ताव पुन्हा सादर केला जाणार असून, कुंभारी MIDC व सोलापूर-पुणे तसेच सोलापूर-विजयपूर महामार्गाजवळील शासकीय व खासगी जमीन तपासली जाणार आहे.
मुख्य वैशिष्ट्ये…
ठिकाण : सोलापूर आयटी पार्कसाठी शहरापासून ८-१० किमी अंतरावरील कुम्भारी औद्योगिक वसाहत ही प्रस्तावित जागा आहे. याशिवाय, सोलापूर-पुणे आणि सोलापूर-विजापूर महामार्गाजवळील शासकीय व खासगी जमिनी शोधल्या जात आहेत.
क्षेत्रफळ : ९६४ हेक्टर जमीन अधिग्रहित केली जाईल.
काळ : तयारी सुरू असून, जिल्हाधिकारी कुमार आशीर्वाद यांच्या सूचनेनुसार एमआयडीसी अधिकाऱ्यांना जमिनी शोधण्याचे आणि प्रस्ताव सादर करण्याचे आदेश दिले आहेत. पूर्वीचा कुम्भारी एमआयडीसी प्रस्ताव (२४ कोटी रुपयांच्या मागणी सह) पुन्हा सादर केला जाईल. अंतिम घोषणा १५ नोव्हेंबर २०२५ रोजी अपेक्षित आहे.
कंपन्या आणि सुविधा : अद्याप विशिष्ट कंपन्यांची घोषणा झालेली नाही. मात्र, एनटीपीसीकडून सबसिडी दराने वीज पुरवठा केला जाईल. जिल्हाधिकारी आशीर्वाद यांनी आयटी पार्कबाबत महत्त्वपूर्ण माहिती दिली असून, जमिनीचा अंतिम निर्णय वेगाने घेतला जात आहे.
फायदे : सोलापूरच्या तरुणांना स्थानिक पातळीवर नोकऱ्या मिळतील, ज्यामुळे आर्थिक विकासाला चालना मिळेल. हिनजवाडीतील जागेच्या अभावामुळे विदेशी कंपन्यांना आकर्षित करण्यासाठी ही एक पर्यायी हब ठरेल.
