‘..म्हणूनच माझ्या आयुष्यात तुझं स्थान नेहमीच खास’, रोहित पवारांची लग्नाच्या वाढदिवसानिमित्त पोस्ट

• रोहित पवार यांची पोस्ट

माझ्या आयुष्यात ज्या दोन महिलांचा प्रभाव आहे, त्यात आई आणि तू आहेस. तुझी साथ तर फार मोलाची आहे. माझ्या प्रत्येक निर्णयात तू खंबीरपणे पाठीशी असतेस. उच्चशिक्षित असूनही स्वतःचं स्वप्न बाजूला ठेवून मुलं मोठी होईपर्यंत गृहिणी म्हणून काम करायचं तू ठरवलं.

मी सार्वजनिक जीवनात असल्याने मुलांना पुरेसा वेळ देऊ शकत नाही, म्हणून तू स्वतःहून हा निर्णय घेतलास. तो वरकरणी कितीही सोपा वाटत असला तरी प्रत्यक्षात मात्र किती अवघड आहे, याची मला जाणीव आहे. म्हणूनच माझ्या आयुष्यात तुझं स्थान नेहमीच खास आणि विशेष असं आहे आणि ते नेहमीच तसं राहील. आज आपल्या लग्नाला १२ वर्षे पूर्ण झाली. वैवाहिक आयुष्याच्या यशस्वी तपपूर्तीनिमित्त आणि पुढंही वर्षानुवर्षे एकमेकांची साथ अशीच कायम राहणार असल्याबद्दल Thank U #कुंती!

• रोहित पवार यांना कार्यकर्त्यांकडून शुभेच्छा

राष्ट्रवादी काँग्रेसचे आमदार म्हणून रोहित पवार कार्यरत आहेत. त्यापूर्वी त्यांनी जिल्हा परिषद सदस्य म्हणून देखील काम केलं आहे. सोशल मीडियावर देखील त्यांना मानणारा वर्ग आणि कार्यकर्ते आहेत. कार्यकर्त्यांकडून देखील रोहित पवार यांना वाढदिवसाच्या शुभेच्छा देण्यात आल्या आहेत.