धक्कादायक! करोनामुळे पतीचा मृत्यू झाल्याचं कळताच पत्नीची तीन वर्षाच्या मुलासह आत्महत्या; नांदेडमधील ह्रदयद्रावक घटना
![Shocking! Wife commits suicide with three-year-old son Heartbreaking incident in Nanded](https://mahaenews.com/wp-content/uploads/2021/04/Nanded-Suicide.jpg)
नांदेड |
पतीचं करोनामुळे निधन झाल्याची माहिती मिळताच पत्नीने आपल्या तीन वर्षांच्या मुलासह आत्महत्या केल्याची ह्रदयद्रावक घटना समोर आली आहे. नांदेडच्या लोह शहरात ही घटना घडली आहे. महिलेने दोन्ही मुलींना घरी ठेवून तीन वर्षांच्या मुलासह तलावात उडी घेऊन आत्महत्या केली. आई-वडिलांविना मुली पोरक्या झाल्या आहेत. पोलीस सूत्रांकडून मिळालेली माहिती अशी की, शंकर गदम (40) मूळ आंध्र प्रदेशातील होते.
मजुरी करणारे शंकर गदाम हे लोहा शहरातील बालाजी मंदिराच्या पाठीमागे पत्नी दोन मुली व एक मुलासह राहत होते. शंकर गदम यांचा करोना अहवाल मंगळवारी पॉझिटिव्ह आल्यानंतर त्यांच्यावर लोहा येथील रुग्णालयात उपचार सुरू होते, उपचारादरम्यान शंकर गदम यांचा मुत्यू झाला. ही घटना समजली असता त्यांच्या पत्नीला मोठा धक्का बसला. मंगळवारी मध्यरात्री लहान मुलाला सोबत घेऊन त्यांनी शहराजवळ असलेल्या सुनेगाव तलावात उडी घेऊन आपली जीवनयात्रा संपवली. या प्रकरणी लोहा पोलिसांत गुन्हा दाखल करण्यात आला असून पुढील तपास साहाय्यक पोलीस निरीक्षक करे हे करीत आहेत.
वाचा-“मला चंपा म्हणणं थांबलं नाही तर…,” चंद्रकांत पाटलांचा उपमुख्यमंत्री अजित पवारांना इशारा