एग्रीमेंटचे नूतनीकरण केले नाही, तरी घरमालक भाडे वाढवू शकतो का? नियम काय आहे?

Rent Agreement | छोट्या किंवा मोठ्या शहरांमध्ये भाड्याने फ्लॅट किंवा घर घेताना जमिनीचा मालक आणि भाडेकरू या दोंघांमध्ये साधारणतः ११ महिन्यांसाठी भाडेकरार केला जातो. त्यांनतर दोघे आपल्या गरजेनुसार सहा महिने किंवा ११ महिन्यांनी करार वाढवू शकतात.

भाडे करारातील नियम काय सांगतो

मालमत्ता भाडेपट्टा (लीज ॲक्ट) कायद्यानुसार कोणताही घरमालक भाडे कराराची नोंदणी केल्याशिवाय भाडेकरूकडून अतिरिक्त पैशांची मागणी करू शकत नाही. त्याचवेळी, करार पूर्ण झाल्यानंतर कराराचे नूतनीकरण केले नाही तर घरमालकाने तुमच्याकडून अधिक भाडे आकारू शकत नाही. भाडे वाढवण्यासाठी घर मालकाला जुन्या कराराचे नूतनीकरण करणे अनिवार्य असून त्यानंतरच भाडेकरूकडून जास्त भाडे घेण्यास पात्र ठरेल.

हेही वाचा     –      ‘मुंबईतील परिस्थिती लवकरच सामान्य होईल’; मंत्री दीपक केसरकर यांची विधानपरिषदेत माहिती 

घरमालक जास्त भाडे मागत असेल तर काय?

मोठ्या शहरांमध्ये घरमालक हवं तेव्हा आपल्या मर्जीनुसार भाडेवाढ करतात असे अनेकदा यापूर्वी दिसून आले आहे, जे कायदेशीरदृष्ट्या योग्य नाही. भाडेकरू आणि घरमालक यांच्यात भाड्यापासून सुविधांपर्यंत अनेक गोष्टींवर वादही झाल्याची प्रकरणे समोर आली आहेत. त्यामुळे तुमचा घरमालकही तुमच्याकडून जास्त भाडे मागत असेल तर त्याबद्दल तक्रार करू शकता. यासाठी भाडेकरू भाडे नियंत्रण कायद्यांतर्गत जिल्हाधिकारी कार्यालयातील भाडे विभागांतर्गत घरमालकाविरुद्ध तक्रार दाखल करू शकतात. त्याचवेळी, मागणीप्रमाणे जास्त पैसे दिले नाही तर तुम्हाला घराबाहेर काढू शकत नाही.