दुष्काळाच्या मुद्द्यावर शिवसेना चांगलीच आक्रमक झालेली बघायला मिळते आहे. राज्यात दुष्काळाचं नुसतं सावट नाही तर दुष्काळ झपाट्याने पसरतो आहे अशात कोणत्या विभागाने काय कामं करायला पाहिजेत याचा आढावा घेतला पाहिजे आम्ही कुंभकर्णासारख्या झोपलेल्या सरकारला जागं करणार आहोत असं उद्धव ठाकरेंनी म्हटलं आहे. कुंभकर्णा जागा हो अशीच आमची पुढची भूमिका असणार आहे असेही उद्धव ठाकरेंनी म्हटलं आहे. दुष्काळाच्या मुद्द्यावर सरकारला जाग आणण्यासाठी पंढरपूरला २४ तारखेला सभा घेणार असल्याचंही उद्धव ठाकरेंनी स्पष्ट केलं.
उद्धव बाळासाहेब ठाकरे@U_Thackerayशिवसेना पहिल्यापासून दुष्काळग्रस्तांसाठी काम करत आली आहे, अशी कामं करणारा, दुष्काळग्रस्तांच्या पाठीशी उभा राहणारा शिवसेना एकमेव पक्ष आहे.
राज्यात सध्या दुष्काळाची भीषण स्थिती आहे. दिवसेंदिवस दुष्काळा आक्राळ-विक्राळ रुप धारण करेल. शिवसेना एकमेव असा पक्ष आहे. जो आपल्या संपूर्ण ताकदीने दुष्काळग्रस्तांच्या मागे उभा राहिला आहे. यापूर्वीही रामदास कदम आणि आदित्य ठाकरे यांनी विविध भागात जाऊन दुष्काळग्रस्तांसाठी कामे केली आहेत. शिवसेना नेहमी दुष्काळग्रस्तांना आधार देत आली असल्याचा पुनरूच्चार त्यांनी केला.
उद्धव बाळासाहेब ठाकरे@U_Thackerayराममंदिराच्या मुद्द्यावर झोपलेल्या कुंभकर्णाला जागे करण्यासाठी आयोध्येनंतर आता पंढरपूरला जाणार आहे. इतकेच नाही तर वेळ पडल्यास राज्याबाहेरही जाणार!
उद्धव बाळासाहेब ठाकरे@U_Thackerayराज्यात भीषण दुष्काळ हातपाय पसरतो आहे. त्याच संदर्भात आज पदाधिकाऱ्यांची बैठक घेऊन दुष्काळग्रस्त भागात कशी कामे सुरू आहेत याचा आढावा या बैठकीत घेण्यात आला.शिवसेना हा एकमेव पक्ष असा आहे की जो दुष्काळग्रस्तांच्या पाठीशी ठामपणे उभा आहे. शिवसेनेची कामे सुरू झाली आहेत.
राम मंदिराच्या मुद्द्यावरही उद्धव ठाकरे आक्रमक झालेले बघायला मिळाले. निवडणुका आल्या की मंदिर बांधणार अशी घोषणा केली जाते. मात्र मंदिर काही उभारलं जात नाही, त्यामुळेच शिवसेनेने राम मंदिराचा मुद्दा हाती घेतला आहे. केंद्रात एक मजबूत सरकार सत्तेवर आहे तरीही राम मंदिराचा प्रश्न का सोडवला जात नाही असाही प्रश्न उद्धव ठाकरेंनी उपस्थित केला.
