‘चुनाव का महिना राफेल करे शोर..’; आव्हाडांची मोदी सरकारवर गाण्यातून टिका

राष्ट्रवादी काँग्रेसचे आमदार जितेंद्र आव्हाड यांनी राफेल प्रकरणावरुन पंतप्रधान नरेंद्र मोदींवर पुन्हा एकदा टिका केली आहे. मात्र या वेळेस आव्हाड यांनी एका गाण्याच्या माध्यमातून पंतप्रधानां लक्ष्य केले आहे. या गाण्याचा व्हिडीओ त्यांनी आपल्या फेसबुक पेजवरुन शेअर केला आहे. ‘सावन का महिना पवन करे शोर’ या मिलन सिनेमातील गाण्याच्या चालीवर आव्हाडांनी ‘चुनाव का महिना’ हे गाणे गायले आहे.

राफेल प्रकरणावरुन आव्हाड यांनी एकदम फिल्मी स्टाइलमध्ये टिका केली आहे. मूळ गाण्यातील शब्दांमध्ये बदल करत त्यांनी हे गाणे रचल्याचे आव्हाड हातात गिटार घेऊन या व्हिडिओत सांगताना दिसतात. गाण्याच्या पहिल्या कडव्यामध्ये मोदी सरकारवर राफेल मुद्द्यावरुन टिका केली आहे. या कडव्यात आव्हाड म्हणतात

‘चुनाव का महिना राफेल करे शोर.. पुरी दुनिया बोले भाई चौकीदार है चोर…
अनिल को तुमने देखो काँन्ट्रॅक्ट दिलाया.. भारत की जनता को मूर्ख बनाया…
अब चाहे जीतने मारो तुम सिक्स और फोर… पुरी दुनिया बोले भाई चौकीदार है चोर…’

तर दुसऱ्या कडव्यामध्ये आव्हाडांनी मोदी यांनी नवाज शरीफ यांना पाकिस्तानमध्ये जाऊ दिलेल्या भेटीवरुन टोला लगावला आहे. या कडव्यात ते म्हणातात

‘नवाज के घर मे तुमने बिर्याणी खाई… हमने हमेशा उनसे दुश्मनी निभाई…
अब चाहे जितना मचाओ तू जोर से शोर… पुरी दुनिया बोले भाई चौकीदार है चोर…’

शेवटच्या कडव्यामध्ये आव्हाडांनी नोटबंदीवरुन मोदींना लक्ष्य केले आहे. शेवटच्या कडव्यात ते म्हणतात..

चौदा को तुमने बोहोत भाषण दिलवाये… पाच साल मे लेकिन तुमने किसे कटवाऐ…
वी डोन्ट हॅव मनी, मिस्टर मोदी एनी मोर… डोन्ट चीट अस मोदी वीआर नोट फूल्स एनीमोर…’