breaking-newsताज्या घडामोडीमहाराष्ट्र
#Lockdown: १७ मेनंतरच्या लॉकडाउनबाबत प्रत्येक जिल्ह्यांनी सूचना कराव्यात- मुख्यमंत्री उद्धव ठाकरे
१७ तारखेनंतर राज्यात लॉकडाउनची स्थिती कशी असेल याबाबत काळजीपूर्वक आराखडा तयार करायचा असून प्रत्येक जिल्ह्यांनी आपापल्या सूचना तसेच अपेक्षा याचे नियोजन करून ते कळवावे असे मुख्यमंत्री उद्धव ठाकरे यांनी आज विभागीय आयुक्त व जिल्हाधिकारी यांना सांगितले. ते आज व्हिडीओ कॉन्फरन्सद्वारे संवाद साधत होते. “लवकरच पावसाळा येत असून त्यातही साथीचे व इतर रोग येतात,कोरोना संकटाशी लढतांना या रोगांचाही मुकाबला करावा लागेल यादृष्टीने जिल्ह्यांतील विशेषत: खासगी डॉक्टर्सना ते नियमितरित्या आपल्या सेवा सुरु करतील हे पाहावे” असेही ते म्हणाले.