भारतातून कोरोना लशींची निर्यात होणार; WHO ने मानले आभार
![Corona vaccines will be exported from India; Thank you WHO](https://mahaenews.com/wp-content/uploads/2021/09/who.jpg)
भारताने कोव्हॅक्स कार्यक्रमांतर्गत पुन्हा एकदा कोरोना लशीची निर्यात सुरु कऱण्याचा निर्णय़ घेतला आहे. लवकर भारतातून कोरोना लशीची निर्यात सुरु होईल यासाठी जागतिक आरोग्य संघटनेनं भारताचे आभार मानले आहेत. टेड्रोस यांनी म्हटलं की, केंद्रीय आरोग्य मंत्री मनसुख मांडविय यांचे आभार. भारत कोव्हॅक्स कार्यक्रमांतर्गत कटिबद्ध राहत ऑक्टोबरपासून लशीची निर्यात सुरु कऱणार आहे.
टेड्रोस म्हणाले की, भारताने ऑक्टोबरपासून कोव्हॅक्सला महत्त्वाची अशी कोरोना लशीची निर्यात पुन्हा सुरु करण्याची घोषणा केली. यासाठी केंद्रीय आरोग्य मंत्र्यांचे आभार. वर्षाच्या अखेरपर्यंत सर्व देशांमध्ये ४० टक्के लसीकरणाचे ध्येय गाठण्यासाठी भारताची भूमिका महत्त्वाची ठरणार आहे.
Thank you Health Minister Mansukh Mandaviya for announcing India will resume crucial COVID vaccine shipments to COVAX in Oct. This is an important development in support of reaching 40% vaccination target in all countries by the end of the year: WHO DG Tedros Adhanom Ghebreyesus pic.twitter.com/fJuy6HzsfP
— ANI (@ANI) September 22, 2021
जगभरातील गरीब देशांना कोरोना लशीचा पुरवठा करण्यासाठी कोव्हॅक्स सुविधा सुरु करण्यात आली आहे. यासाठी जागतिक आरोग्य संघटना आणि ग्लोबल अलायन्स फॉर व्हॅक्सिन अँड इम्युनायजेशन (GAVI) यांनी एकत्र येत पुढाकार घेतला आहे. या प्रोग्रॅमद्वारे जगातील १४१ देशांमध्ये आतापर्यंत २८६ मिलियनहून अधिक कोरोना लशींचे डोस पुरवण्यात आले आहेत.