नाशिक | मुली-महिलांच्या संरक्षणाचा प्रश्न अत्याचार, छेडछाडीच्या घटनामुळे अधिक गंभीर बनला आहे शिक्षण,नोकरी,व्यवसाय अथवा फिरण्यासाठी घरातून बाहेर पडतो आहोत,पण सुरक्षितपणे आपण घरी परत येऊ कि नाही,याची खात्री कुणालाही नसते. पण निदान स्वसंरक्षणाचे थोडे फार शिक्षण घेतलेले असले तर त्याचा नक्कीच फायदा होतो याचा अनुभव सोमेश्वर येथे देवदर्शनासाठी भोसला मिलीटरी कॉलेजच्या काही रामदंडी मुलींना आला आहे.
या तरुणी फिरण्यासाठी गेल्या असता तेथील रोडरोमिओ, टवाळखोरांनी त्यांना अपशब्द वापरत छेडण्याचा प्रयत्न केला. या रोडरोमिओंना समज देऊन न ऐकल्याने अखेर त्यांनी आपल्याला मिळालेल्या संरक्षणाच्या धडयांचा वापर करत त्यांना चांगलाच चोप दिला आहे. आपल्यासारखे वर्तन या रोडरोमिओंनी इतरांबरोबर करण्याचे पुन्हा असे धाडस करू नये यासाठी त्यांनी चोप देण्यापुरते न थांबता पोलिसांना बोलावले आणि त्यांच्या स्वाधीन केलं आहे.
सैनिकी शिक्षणात सेंट्रल हिंदु मिलीटरी एज्युकेशन सोसायटीचे भोसला मिलीटरी कॉलेज परिचित आहे. या महाविद्यालयात सैनिकी शिक्षणाबरोबरच स्वयंशिस्त,आत्मसंरक्षणाचे धडे देऊन रामदंडीचे व्यक्तीमत्व कणखर,धाडसी बनवले जाते. महाविद्यालयाच्या वसतिगृहात राहणाऱ्या रामदंडी दहा मुलीं आऊटपास घेऊन सोमेश्वर येथे देवदर्शनासाठी साडेअकराच्या सुमारास गेल्या. त्याचवेळी बाजूला पाच टवाळखोर बसलेले होते. या मुलींना पाहुन त्यांनी त्यांना टोमणे मारण्या, अपशब्द बोलण्यास सुरवात केली.
मुलींनी दिला टवाळखोरांना चोप
मुलींनी सुरवातीला त्यांच्याकडे दुर्लक्ष केले, पण त्यांचे टोमणे मारणे, अपशब्द बोलणे सुरुच राहिलं. मुली त्यांना विचारण्यासाठी गेल्या असत्या ते टवाळखोर भांडायला उभे राहिले आणि भांडण सुरु असतांना त्यांनी मुलींना धक्के मारायला सुरवात केली. एका मुलीवर हात उचलल्यानंतर मात्र, सर्व रामदंडीनी सांघिकतेचे दर्शन दाखवत या रोडरोमिओ टवाळखोरांना आपल्याला दिलेल्या प्रशिक्षणाच्या धड्यानुसार चोप देण्यात सुरवात केली.
