चाकणमध्ये हॉटेलमधील बाउंसर्सच्या मारहाणीला घाबरून ग्राहकाची दुसऱ्या मजल्यावरून उडी!

अभय गोंडाने असं मृत तरुणाचे नाव आहे. तर मनोजकुमार बापुसो गोईलकर असे जखमी झालेल्या तरुणाचे नाव आहे. वाकड परिसरातील द बार हिस्ट हॉटेल या हॉटेलमध्ये हा धक्कादायक प्रकार घडला आहे. याप्रकरणी मनोजकुमार बापुसो गोईलकर यांनी वादक पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, अभय गोंडाने व मनोजकुमार गोईलकर हे दोघे द बार हिस्ट हॉटेलमध्ये गेले होते. त्यावेळी हॉटेल मालक आणि मॅनेजर गजानन खरात बाऊंसर आणि बार कर्मचाऱ्यांनी या दोन्ही तरुणांना बेदम मारहाण केली. यावेळी आपल्याला आणखी मारतील या भितीपोटी अभय गोंडाने याने जीव वाचवण्यासाठी दुसऱ्या मजल्यावरून खाली उडी मारली. दुसऱ्या मजल्यावरून पडल्यामुळे अभय गोंडाने याच्या डोक्याला गंभीर दुखापत झाली होती. त्यामुळे त्याच्या मित्राने मनोजकुमार याने त्याला तातडीने बिर्ला हॉस्पिटमध्ये दाखल केले. पण प्रकृती गंभीर असल्यामुळे पुढे ससुन हॉस्पिटमध्ये दाखल केले होते. पण उपचारादरम्यान अभय गोंडाने याचा मृत्यू झाला.

दरम्यान, याप्रकरणी हॉटेल मालक, बाउंसर, बार टेंडर, डीजे आणि मॅनेजरवर गुन्हा दाखल करण्यात आला आहे. गुन्हा दाखल झाल्यानंतर पोलिसांनी हॉटेल मालकासह ५ जणांना अटक केली आहे. या तरुणाला मारहाण का करण्यात आली होती. मृत तरुणाने दुसऱ्या मजल्यावरून उडी मारली की त्याला ढकलून दिले. याबद्दल अनेक प्रश्न उपस्थितीत केले जात आहे. या प्रकरणाचा अधिक तपास वाकड पोलीस करत आहे.