बोल्ड फोटोशूटमुळे कल्याणची चुलबुली शिवाली परब ट्रोल…
मुंबई: ‘महाराष्ट्राची हास्यजत्रा’ या कार्यक्रमात कल्याणची चुलबुली म्हणून शिवाली परब विशेष लोकप्रिय आहे. MHJ नंतर शिवाली घराघरात पोहोचली. या कार्यक्रमानंतर तिने गाण्यांचे विविध अल्बम, युट्यूब व्हिडिओ आणि सिनेमांमध्येही काम केले. ‘चंद्रमुखी’ सिनेमात शिवालीने साकारलेली छोटी चंद्राही प्रेक्षकांना भावली. एकंदरित शिवालीने गेल्या काही महिन्यांमध्ये तुफान लोकप्रियता मिळवली. सोशल मीडियावरही तिची ही लोकप्रियता स्पष्ट जाणवते. अभिनेत्रीने शेअर केलेल्या प्रत्येक फोटोवर शेकडो कमेंट्स असतात. मात्र कौतुक करणाऱ्या कमेंट्सबरोबर तिला टीकेचाही सामना करावा लागतो. अलीकडेच अभिनेत्रीने शेअर केलेल्या एका बोल्ड फोटोवर तिला तिच्याच चाहत्यांनी ट्रोल केले आहे.
शिवाली अलीकडेच तिचे काही हॉट फोटो शेअर केले. सिल्व्हर रंगाच्या वन पीसमध्ये ती फारच बोल्ड दिसत असून, तिने दिलेल्या पोजही ग्लॅमरस आहेत. अभिनेत्रीच्या या फोटोवर अनेकांनी हार्ट, फायर इमोजी पोस्ट करत तिचे कौतुक केले. अनेकांनी ‘हॉट’, ‘सेक्सी’ असेही म्हटले. मात्र काही चाहते असेही आहेत ज्यांना शिवालीचा हा लूक आवडलेला नाही.
शिवालीच्या या लूकवर काहींनी असभ्य भाषेत कमेंट केल्या आहेत. एका युजरने लिहिले की, ‘जेवढा पैसा प्रसिद्धी जास्त तेवढे कपडे कमी होतात का?’ अन्य एकाने लिहिले की, ‘साधी सिंपल छान दिसतेस, म्हणून तुला फॉलो केलं होतं. आता हे सगळं बघून अनफॉलो’. एकाची अशीही कमेंट आहे की, ‘काय वेशभूषा आहे तुझी? सुधार जरा, अजून तू ॲक्ट्रेस नाही आहेस. लोकं मनातून कळायच्या आधी स्वतःला सावरुन घे.’ एकाने तर असे कपडे घालूच नको असाही सल्ला दिला.
दरम्यान तिला ट्रोल करण्याचा प्रयत्न करणाऱ्या युजर्सना अभिनेत्रीच्या चाहत्यांनीच सडेतोड उत्तर दिलं आहे. ट्रोल करणाऱ्यांपेक्षा शिवालीचा या लूकवर फिदा झालेल्यांच्या कमेंट सर्वाधिक आहेत. शिवालीने याआधीही असे अनेक बोल्ड आणि हटके लूक शेअर केलेत. महाराष्ट्राची हास्यजत्रामध्येही ती अतरंगी पोषाख करत असते. तिच्या विनोदाचं टायमिंग आणि कोणत्याही भूमिकेत अगदी समरस होण्याची कला प्रेक्षकांना विशेष आवडते.
