करोना विषाणूचं संक्रमण दिवसेंदिवस वाढतच चाललं आहे. संपूर्ण जगात पसरलेल्या या प्राणघात विषाणूमुळे आतापर्यंत हजारो लोकांनी आपले प्राण गमावले आहेत. अनेक मोठमोठे सेलिब्रिटी देखील या करोनाच्या विळख्यात अडकले आहेत. दरम्यान प्रसिद्ध युट्यूबर, अभिनेता भुवन बाम याला करोनाची लागण झाली आहे. सध्या तज्ज्ञ डॉक्टरांच्या मार्गदर्शनाने घरातच त्याच्यावर उपचार सुरु आहेत.
“गेल्या काही दिवसांपासून माझी तब्येत खराब आहे. माझी करोना चाचणी पॉझिटिव्ह आली आहे. या विषाणूकडे दुर्लक्ष करु नका. मास्क वापरा, सोशल डिस्टंन्स बाळगा, स्वच्छता राखा अन् स्वत:ची काळजी घ्या” अशा आशयाची इन्स्टाग्राम पोस्ट लिहून भुवनने करोना झाल्याची माहिती आपल्या चाहत्यांना दिली.
