जॅकी श्रॉफची लेक बॉयफ्रेंडसोबत दिसली बोल्ड अंदाजात, फोटो व्हायरल
![](https://mahaenews.com/wp-content/uploads/2019/09/jacki-shroff-lek.jpg)
बॉलिवूड अभिनेता जॅकी श्रॉफची मुलगी कृष्णा काही दिवसांपासून तिच्या रिलेशनशीपमुळे चर्चेत येत आहे. कृष्णा अनेक वेळा प्रियकर एबन याच्यासोबतचे काही फोटो सोशल मीडियावर शेअर करत असते. त्यातच आता तिने एबनसोबतचे बोल्ड फोटो शेअर केले आहेत. सध्या सोशल मीडियावर तिचे हे फोटो व्हायरल होत आहेत.
सध्या कृष्णा प्रियकर एबनबरोबर दुबईमध्ये सुट्टी एन्जॉय करत असून येथील अनेक फोटो ती सोशल मीडियावर शेअर करत आहे. यामध्ये तिने एका बीचवरचा फोटो शेअर केला आहे. या फोटोमध्ये कृष्णा एबनचा हात धरून बीचवर मस्त फिरताना दिसत आहे. विशेष म्हणजे हा फोटो चाहत्यांच्या पसंतीत उतरत असून त्यांनी कमेंटमधून कृष्णाला शुभेच्छा दिल्या आहेत.
‘आमची भेट सोबो हाऊसमध्ये झाली होती. मी माझ्या एका मित्राला भेटण्यासाठी गेले होते. त्यावेळी माझ्या मित्राने एबनला तेथे बोलावलं. त्यावेळी माझी एबनसोबत पहिली भेट झाली’, असं कृष्णाने एका मुलाखतीत सांगितलं होतं.
दरम्यान, कृष्णा कलाविश्वापासून दूर असून तिने करिअरची वेगळी वाट निवडली आहे. तिने ट्रान्सजेंडर कम्युनिटीवर एक लघुपट तयार केला होता. या लघुपटाचं चित्रीकरणंही तिनेच केलं होतं. तर एबन हायम्स हा बास्केटबॉल प्लेअर आहे.