संयुक्त अरब अमिरातीमध्ये (यूएई) अडकून पडलेल्या भारतीयांना परत आणण्याबाबत संबंधितांना आदेश द्यावे, ही मागणी करणाऱ्या याचिकेवर केंद्र सरकारला म्हणणे मांडण्याचे आदेश शनिवारी केरळ उच्च न्यायालयाने दिले. आखाती देशांमध्ये अडकलेल्या भारतीयांना मायदेशी आणण्यासाठी कोणती पावले उचलली आहेत त्याबाबत प्रतिज्ञापत्र सादर करण्याचे आदेश खंडपीठाने केंद्र सरकारला दिले.
