करोना विषाणूमुळे अमेरिकेत गेल्या २४ तासांत सुमारे २६०० नवे बळी गेले. हा नवा विक्रम आणि कुठल्याही देशातील करोनाबळींची एका दिवसातील सर्वात मोठी संख्या ठरली आहे, असे जॉन हॉपकिन्स विद्यापीठाने म्हटले आहे. या विद्यापीठाने पुरवलेल्या बळींच्या आकडय़ानुसार, आदल्या दिवसाशी तुलना करता गुरुवारी सकाळपर्यंत देशात २५६९ लोक मृत्युमुखी पडले होते. यामुळे अमेरिकेतील आतापर्यंतची बळीसंख्या ३० हजार ९८५ पर्यंत पोहोचली आहे. जगातील इतर कुठल्याही देशापेक्षा ही संख्या जास्त आहे.
