वॉशिंग्टन : अमेरिकेत कोरोनामुळे मृतांचा आकडा झपाट्याने वाढत आहे. हा आकडा एक लाखाजवळ पोहोचला आहे. गेल्या 24 तासात अमेरिकेत कोरोनामुळे 532 लोकांचा मृत्यू झाला आहे. यासह एकूण मृत्यूची संख्या 98218 वर पोहोचली आहे, जी जगात सर्वाधिक आहे.
जॉन हॉपकिन्स विद्यापीठाच्या आकडेवारीनुसार, अमेरिकेत आतापर्यंत कोरोनाच्या 16 लाख रुग्णांची नोंद झाली आहे. जे जगात सर्वात जास्त आहे. एकीकडे अमेरिकेत मृत्यूची संख्या सातत्याने वाढत आहे, तर देशातील व्यवहार सुरळीत करण्याचा प्रयत्न ट्रम्प यांच्याकडून सुरु आहे. राज्यांना देखील त्यांना याबाबत सूचना केल्या आहेत. जर राज्य तसं करत नसतील तर ते व्यवहार सुरु करण्याचे आदेश देतील असा देखील इशारा देण्यात आला आहे.
