breaking-newsताज्या घडामोडीमहाराष्ट्र
रस्त्याचे काम सुरू असताना चक्क डांबराने घेतला पेट; धुळे शहरातील घटना
![रस्त्याचे काम सुरू असताना चक्क डांबराने घेतला पेट; धुळे शहरातील घटना](https://mahaenews.com/wp-content/uploads/2022/05/रस्त्याचे-काम-सुरू-असताना-चक्क-डांबराने-घेतला-पेट-धुळे-शहरातील.jpg)
धुळे |
शहरातील प्रभाग क्रमांक ४ मधील देवपूर भागात असलेल्या यशोदा कांडप केंद्राजवळ डांबरी रस्त्याचे काम सुरु आहे. स्थानिक नगरसेवक यांच्या विकास निधीमधून रस्ता डांबरीकरण करण्याचे काम सुरू असताना या रस्त्याने अचानक पेट घेतला. आगीचे लोट दुरूनच दिसत असल्यामुळे घटनास्थळी एकच गर्दी झाल्याने काही काळ परिसरात एकच खळबळ उडाली.
- दोन वर्षांपासून रस्त्याच्या कामाला ब्रेक…
गेल्या वर्षभरापासून शहरातील देवपूर भागातील रस्त्याची अत्यंत दुर्दशा झाली आहे. गेल्या दोन वर्षांपासून रस्त्याच्या कामाला ब्रेक लागला होता. आता कुठे कामाला सुरुवात झाली आहे. आज सकाळी देवपूर भागातील प्रभाग क्रमांक ४ मध्ये रस्ता डांबरीकरण करण्याचे काम सुरू आहे. रस्त्याचे काम करण्यासाठी लावण्यात आलेल्या डांबरच्या ड्रमला अचानक भीषण आग लागली ही आग इतकी भयानक होती की आगीचे लोट पंचवीस ते तीस फूट उंच उठत होते.
- उष्णतेमुळे आणि मजूरांच्या हलगर्जीपणामुळे घटना….
उन्हाच्या उष्णतेमुळे आणि मजूरांच्या हलगर्जीपणामुळे ही घटना घडल्याचे बोलले जात आहे. डांबराने पेट घेतल्याने सुमारे आगीच्या ज्वाळा व काळे धुराचे लोट उठत असल्याने परिसरात एकच गर्दी झाली. ही आग विझविण्यासाठी संबंधित ठेकेदाराने लागलीच अग्निशामक दलाशी संपर्क करून बंबाला पाचारण करण्यात आले. या घटनेमुळे काही दुर्घटना घडू नये म्हणून काही काळ वीज पुरवठा खंडित करण्यात आला होता.