काळजी घ्या! भारतात पुन्हा एकदा ३ लाखांहून अधिक कोरोना रुग्णांची नोंद
नवी दिल्ली – कोरोनाच्या दुसऱ्या लाटेने भारतात अक्षरश: कहर माजवलाय. महाराष्ट्र, छत्तीसगढ, पंजाब, मध्य प्रदेश, दिल्लीपाठोपाठ देशातील इतर राज्यांतही कोरोनाने हातपाय पसरले असून दररोज धडकी भरवणारी आकडेवारी समोर येऊ लागली आहे. बुधवारी देशात पहिल्यांदाच तीन लाखांहून अधिक रुग्ण आढळून आले. धक्कादायक बाब म्हणजे भारतात नोंद झालेली ही जगातील सर्वाधिक दैनंदिन रुग्णसंख्या आहे. तर आजही भारतात ३ लाखांहून अधिक नव्या रुग्णांची नोंद झाली आहे.
देशात मागील 24 तासांत तब्बल 3,32,730 नव्या कोरोना रुग्णांची नोंद झाली असून 2,263 कोरोना रुग्णांनी आपला जीव गमावला आहे. यासह देशाची एकूण कोरोना रुग्णसंख्या आता 1,62,63,695 वर पोहोचली आहे, तर कोरोनाबळींचा आकडा 1,86,920 इतका झाला आहे. तसेच आरोग्य मंत्रालयाने दिलेल्या माहितीनुसार, काल दिवसभरात 1,93,279 जण कोरोनामुक्त झाल्याने देशात आतापर्यंत 1,36,48,159 व्यक्तींनी कोरोनावर यशस्वी मात केली आहे, तर सध्या 24,28,616 जण कोरोनावर उपचार घेत आहेत.
India reports 3,32,730 new #COVID19 cases, 2,263 deaths and 1,93,279 discharges in the last 24 hours, as per Union Health Ministry
Total cases: 1,62,63,695
Total recoveries: 1,36,48,159
Death toll: 1,86,920
Active cases: 24,28,616Total vaccination: 13,54,78,420 pic.twitter.com/LKQMB5pUOE
— ANI (@ANI) April 23, 2021
गेल्या वर्षी १७ सप्टेंबरला देशात ९७ हजार ८९४ नव्या कोरोना रुग्णांची नोंद झाली होती. कोरोना काळातील ती सर्वाधिक दैनंदिन रुग्णवाढ होती. त्यानंतर यावर्षी ५ एप्रिलला पहिल्यांदाच दैनंदिन रुग्णवाढीने एक लाखांचा टप्पा पार केला होता. तर २२ एप्रिलला दैनंदिन रुग्णवाढीने तब्बल ३ लाखांचा टप्पा पार केला. सध्या भारतात कोरोना लसीकरण सुरू आहे, मात्र देशाची एकूण कोरोना रुग्णसंख्या कोटीच्या संख्येत गेल्याने चिंता वाढली आहे. तसेच दररोज आढळणाऱ्या नव्या कोरोना रुग्णांची संख्याही धडकी भरवणारी आहे.
