हॉस्पिटॅलिटी अन् एअरलाइन्स क्षेत्रात करिअरची सुवर्णसंधी

पुणे | “आजच्या आधुनिक युगात विद्यार्थिनी प्रत्येक क्षेत्रात आपल्या कर्तृत्वाचा झेंडा रोवत आहेत. जर तुमची उंची चांगली असेल, संभाषण कौशल्य उत्तम असेल आणि स्वभावात धाडस असेल, तर ‘हॉस्पिटॅलिटी मॅनेजमेंट’ हे क्षेत्र तुमच्यासाठी करिअरचे एक उत्तम व्यासपीठ ठरू शकते. केवळ सुंदर दिसण्यावरच नाही, तर कौशल्याच्या जोरावर ग्रामीण भागातील सर्वसामान्य कुटुंबातील मुलीही एअर होस्टेस किंवा यशस्वी बिझनेस वुमन बनून स्वतःच्या पायावर सक्षमपणे उभ्या राहू शकतात,” असा विश्वास पुणे येथील IIBM कॉलेजच्या विभागप्रमुख (HOD) कु. प्रतिक्षा डफळ यांनी व्यक्त केला आहे.

ग्रामीण भागातील विद्यार्थ्यांना सक्षम आणि स्वावलंबी बनवणे हा या अभ्यासक्रमाचा मुख्य उद्देश असून यामध्ये रोजगाराची १००% हमी दिली जाते, अशी माहिती त्यांनी दिली.

पुस्तकी ज्ञानासोबतच स्वसंरक्षणाचे धडे

या अभ्यासक्रमामध्ये विद्यार्थ्यांना केवळ पुस्तकी ज्ञान दिले जात नाही, तर भविष्यातील आव्हानांसाठी सज्ज केले जाते. अभ्यासक्रमासोबतच संस्थेमध्ये विद्यार्थ्यांसाठी खालील विशेष प्रशिक्षणे दिली जातात:

सेल्फ डिफेन्स (Self Defense): मुलींच्या सुरक्षेसाठी आत्मसंरक्षणाचे विशेष धडे.

आरोग्य व योगा (Health & Yoga): शारीरिक आणि मानसिक स्वास्थ्यासाठी विशेष वर्ग.

फिटनेस मार्गदर्शन: व्यक्तिमत्त्व अधिक प्रभावी बनवण्यासाठी तज्ज्ञांचे मार्गदर्शन.

हेही वाचा

दिवाळीपूर्वी पूर्ण होणार ‘स्टॅच्यू ऑफ हिंदुभूषण’!

शासकीय नियमांनुसार १००% स्कॉलरशिप; पैशांची अडचण मिटली!

हा अभ्यासक्रम पूर्णपणे मान्यताप्राप्त असून संस्थेला सावित्रीबाई फुले पुणे विद्यापीठ (SPPU), कवी कुलगुरू कालिदास संस्कृत नागपूर विद्यापीठ (KKSU) आणि महाराष्ट्र बोर्डाची (MSBVE) मान्यता आहे. त्यामुळे शासकीय नियमांनुसार सर्व पात्र विद्यार्थी-विद्यार्थिनींना १००% स्कॉलरशिपचा लाभ मिळतो. आर्थिक परिस्थिती बेताची असलेल्या विद्यार्थ्यांना या शासकीय योजनांच्या माध्यमातून आपले शिक्षण सन्मानाने पूर्ण करता येणार असून, पैशांची अडचण आता शिक्षणात अडथळा ठरणार नाही, असे संस्थेकडून स्पष्ट करण्यात आले आहे.

उद्योग क्षेत्राची वाढती गरज आणि नोकरीच्या संधी

सध्याच्या काळात पर्यटन (Tourism), एअरलाईन, हॉटेल इंडस्ट्री आणि शिप-क्रूझ लाईन इंडस्ट्रीचा विकास अत्यंत वेगाने होत आहे. या क्षेत्रात उत्तम व्यक्तिमत्त्व आणि धाडसाला मोठी मागणी आहे. ज्या विद्यार्थ्यांना भविष्यात स्वतःचे नाव कमवायचे आहे, अशांसाठी हा कौशल्य-आधारित अभ्यासक्रम स्वप्नपूर्तीचे माध्यम ठरत आहे.

“लग्नाआधी किमान १-२ वर्षे तरी जॉब करा!” – प्रतिक्षा डफळ यांचा मोलाचा संदेश

सर्व विद्यार्थिनींना एक महत्त्वाचा वैयक्तिक संदेश देताना कु. प्रतिक्षा डफळ म्हणाल्या, “अशिक्षित पालक किंवा हलाखीची आर्थिक परिस्थिती या कारणांमुळे अनेक मुलींची वयाच्या अवघ्या २०-२२ व्या वर्षी लग्ने केली जातात. परंतु, प्रत्येक मुलीने लग्नाचा निर्णय घेण्यापूर्वी किमान १ ते २ वर्षे तरी जॉब केला पाहिजे. परिस्थिती कशीही असो, आपण आपल्या पायावर सक्षमपणे उभे राहिलेच पाहिजे. विद्यार्थ्यांनी स्वतः चुकीच्या मार्गाला न जाता मोठे ध्येय गाठायचे ठरवले, तर कोणीही त्यांना मागे खेचू शकणार नाही.”

महाईन्यूज-X वर फॉलो करा : महाईन्यूजला instagram वर फॉलो करा