Breaking-newsताज्या घडामोडीमुंबई

Mumbai Rain Update: पावसाने मुंबईला दिवसभर झोडपले, उद्या कसे असेल हवामान?

पहिल्याच दिवशी कामानिमित्त बाहेर पडलेल्या मुंबईकरांची चांगलीच धावपळ

मुंबई : काल रात्रीपासून पावसाचा वाढलेला जोर आज दिवसभर कायम राहिल्याचे दिसून आले. पावसाने दिवसभर मुंबईला चांगलेच झोडपून काढले. या पावसामुळे बऱ्याच परिसरातील सखल भागात पाणी तुंबले असून रस्ते वाहतुकीला फटका बसला आहे. तसेच रेल्वे सेवाही विलंबाने सुरू होती. यामुळे सकाळी कामावर जाताना आणि आता कामावरून घरी परतणाऱ्या कर्मचाऱ्यांचे मोठे हाल होत आहेत.

आज सकाळपासूनच ठाणे, नवी मुंबई, कल्याण-डोंबिवली, मीरा-भाईंदर, रायगडच्या अनेक भागांमध्येही पावसाची संततधार सुरू आहे. परिणामी महाराष्ट्रातील अंबा, कुंडलिका, पाताळगंगा या प्रमुख नद्या इशारा पातळीवरून वाहत आहेत. तसेच उल्हास नदीच्या पाणी पातळीत वाढ झाल्याने सावधानतेचा इशारा देण्यात आला आहे.

हेही वाचा –  Milk Price Hike : कात्रज डेअरीकडून दूध दरात दोन रुपयांची वाढ

दरम्यान, आज शाळेचा पहिला दिवस असल्याने शाळेत पोहोण्यासाठी विद्यार्थी आणि पालकांना चांगलीच कसरत करावी लागली. पावसाने संपूर्ण रात्रभर शहर आणि उपनगरांना झोडपून काढले. काल रविवारी रात्री ८ ते सोमवारी सकाळी ६ वाजेपर्यंत पावसाचा जोर कायम होता. यादरम्यान शहर ९५, पूर्व उपनगर ५८, तर पश्चिम उपनगरात ७५ मिमी पावसाची नोंद झाली.

मुंबईकरांचे हाल

त्यानंतर आज दिवसभर काही ठिकाणी मध्यम, तर काही ठिकाणी मुसळधार सरी सुरूच होत्या. यामुळे आठवड्याच्या पहिल्याच दिवशी कामानिमित्त बाहेर पडलेल्या मुंबईकरांची चांगलीच धावपळ झाली. अंधेरी, सायन, गांधी मार्केट, भांडूप, घाटकोपर एलबीएस मार्ग, चेंबूर शेल कॉलनीमध्ये पाणी साचले. मानखुर्द, पवई, दादर टीटी, वांद्रे, धारावी, चुनाभट्टी, कुर्ला परिसरात ही काही काळ पाणी साचले होते.

महाईन्यूज-X वर फॉलो करा : महाईन्यूजला instagram वर फॉलो करा

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group