१ जुलैपासून लागू होणार सिमकार्डबाबतचा नवा नियम, तुम्हाला माहिती असायलाच हवा..

Sim Card | भारतीय दूरसंचार नियामक प्राधिकरण म्हणजेच TRAI ने सिम कार्ड्सबाबत मोठा बदल केला आहे, जो १ जुलै २०२४ पासून लागू होईल.

नियम काय आहे, जाणून घेऊया..

नवीन नियमानुसार, आता सिम स्वॅप केल्यानंतर, वापरकर्ते त्यांचा मोबाईल नंबर पोर्ट करू शकणार नाहीत, म्हणजेच ते त्यांचा नंबर इतर कोणत्याही टेलिकॉम कंपनीकडे स्विच करू शकणार नाहीत.हा नियम वापरकर्त्यांना सायबर फसवणुकीपासून वाचवण्यात मदत करेल.

सायबर फसवणुकीच्या प्रकरणांमध्ये, स्कॅमर वापरकर्त्यांची फसवणूक करण्यासाठी वारंवार सिम स्वॅपिंगचा वापर करतात.

सिम स्वॅपिंगनंतर वापरकर्त्यांचे सर्व कॉल, संदेश आणि ओटीपी इतर फोनवर मिळू लागतात, ज्यामुळे त्यांची फसवणूक होऊ शकते.

हेही वाचा     –      वडगावशेरीत सशस्त्र टोळक्याकडून वाहनांची तोडफोड, दहा ते बारा वाहनांचे नुकसान 

सिम स्वॅप करणे म्हणजे काय?

सिम स्वॅप करणे म्हणजे डुप्लिकेट सिम काढणे. फसवणुकीच्या या पद्धतीत सायबर गुन्हेगारांना युजरचे डुप्लिकेट सिम मिळते.

वापरकर्त्याच्या मोबाईल क्रमांकावर नवीन सिम नोंदणीकृत होते. यानंतर, वापरकर्त्याकडे असलेले हे सिम बंद होते आणि हॅकर्स दुसरे सिम काढून घेतात आणि येथून गेम सुरू होतो.

फसवणूक करणारे ते डुप्लिकेट सिम त्याच्या उपकरणांमध्ये वापरतात. फसवणूक करणारे वापरकर्त्याच्या नंबरवर येणारे कॉल, मेसेज आणि ओटीपी मिळवतात. येथून, बँकिंग फसवणूक करण्याबरोबरच, अनेक प्रकारची वैयक्तिक माहितीहि ते मिळवतात.