कोरोना पॉझिटिव्ह रुग्णाच्या घराबाहेर पोस्टर लावू नका- सर्वोच्च न्यायालय

नवी दिल्ली – घरातील एखाद्या व्यक्तीचा कोरोना अहवाल पॉझिटिव्ह आल्यानंतर त्याच्या घराबाहेर पोस्टर लावण्यात येत आहे. त्यामुळे संबंधित घरातील नागरिकांना अस्पृश्याप्रमाणे वागणूक मिळत असल्याच्या तक्रारी समोर आल्या आहेत. या घटना अतिशय भीषण असल्याचे सांगत कोरोना पॉझिटिव्ह रुग्णाच्या घराबाहेर पोस्टर लावू नका, असे आदेश सर्वोच्च न्यायालयाने राज्य सरकारांना दिले आहेत.

वाचा :-भारतातील कोरोनाबाधितांची संख्या 97,35,850 वर

केंद्राने आपल्या नियमावलीत अशाप्रकारे कोरोना रुग्णाच्या घरावर पोस्टर लावण्याबाबत कुठेही उल्लेख केला नाही. मात्र आपत्ती निवारण अधिनियमाअंतर्गत अधिकाऱ्यांमार्फत विशिष्ट प्रकरणातच कोरोना रुग्णाच्या घरासमोर सूचना फलक लावला जाऊ शकतो, असे सर्वोच्च न्यायालयाने आपल्या आदेशात नमूद केले आहे.

वाचा :-#Covid-19: भारतात आतापर्यंत झाल्या 14 कोटी 98 लाख 36 हजार 767 चाचण्या- ICMR

दरम्यान, कोरोना रुग्णाच्या घराबाहेर अशाप्रकारे पोस्टर लावण्याचा प्रकार बंद करण्यासाठी सर्वोच्च न्यायालयात याचिका दाखल करण्यात आली होती. त्यावर न्यायाधीश अशोक भूषण यांच्या खंडपीठाने आज निकाल दिला. यावर अशाप्रकारे पोस्टर लावण्यामागे अन्य लोकांची सुरक्षा हाच उद्देश असल्याचे केंद्राने म्हटले असून असे करण्यामागे कोरोना रुग्णाला इजा किंवा त्याची मानहानी करण्याचा कोणताही हेतू नव्हता असेही सरकारने स्पष्ट केले आहे.

वाचा :-#Covid-19: तेलंगानात 721 नवे रुग्ण, एकूण संख्या 2,75,261 वर