Breaking-newsTOP News । महत्त्वाची बातमीताज्या घडामोडीमहाराष्ट्रराजकारण

भाजपा आमदार राहुल कुल यांचा शेतकऱ्यांसाठी मदतीचा हात!

मुख्यमंत्री सहाय्यता निधीला ४९ लाखांची देणगी!

– वाढदिवसानिमित्त सामाजिक बांधिलकीचा आदर्श

मुंबई : वाढदिवसाचे औचित्य साधत दुष्काळग्रस्त शेतकऱ्यांच्या मदतीसाठी आमदार राहुल कुल यांनी सामाजिक बांधिलकीचा आदर्श घालून दिला आहे. त्यांच्या पुढाकारातून ‘आमदार राहुलदादा कुल मित्र मंडळ, दौंड’च्या वतीने मुख्यमंत्री सहाय्यता निधीला तब्बल ४९ लाख रुपयांची देणगी देण्यात आली. मुंबई येथे मुख्यमंत्री देवेंद्र फडणवीस यांची भेट घेऊन आमदार कुल यांनी या मदतीचा धनादेश सुपूर्द केला. मुख्यमंत्री फडणवीस यांनी या स्तुत्य उपक्रमाबद्दल त्यांचे आभार मानले.

राज्यातील दुष्काळग्रस्त शेतकऱ्यांसमोर निर्माण झालेल्या अडचणी लक्षात घेऊन आमदार राहुल कुल यांनी वाढदिवसाला सामाजिक सेवेची जोड दिली आहे. वाढदिवसानिमित्त होणाऱ्या उत्सवी खर्चापेक्षा संकटात सापडलेल्या शेतकरी कुटुंबांना मदतीचा हात देणे अधिक महत्त्वाचे असल्याचा संदेश या उपक्रमातून देण्यात आला आहे.

हेही वाचा –  कोल्हापूर आपत्ती व्यवस्थापन विभागाच्या ताफ्यात अंडरवॉटर ड्रोन; १०० मीटर खोल पाण्यातही शोधकार्य शक्य

शेतकरी हा ग्रामीण अर्थव्यवस्थेचा कणा असून, नैसर्गिक संकटांच्या काळात त्याच्या पाठीशी ठामपणे उभे राहण्याची गरज आहे. याच भूमिकेतून आमदार राहुल कुल यांच्या नेतृत्वाखाली मित्र मंडळाने ४९ लाख रुपयांचा निधी उपलब्ध करून दिला. वाढदिवसाच्या निमित्ताने राबविण्यात आलेल्या या उपक्रमामुळे सामाजिक उत्तरदायित्वाचा सकारात्मक संदेश देण्यात आला आहे.

मुख्यमंत्री देवेंद्र फडणवीस यांनी आमदार राहुल कुल यांच्या या पुढाकाराची दखल घेत आभार व्यक्त केले. राजकीय आणि सार्वजनिक जीवनात कार्यरत असताना समाजातील गरजू घटकांसाठी प्रत्यक्ष कृतीतून योगदान देण्याचे उदाहरण या उपक्रमातून समोर आले आहे.

वाढदिवसाचा आनंद शेतकऱ्यांच्या मदतीतून साजरा करण्याचा आमदार राहुल कुल यांचा हा पुढाकार सामाजिक बांधिलकीचे उदाहरण ठरला आहे.

महाईन्यूज-X वर फॉलो करा : महाईन्यूजला instagram वर फॉलो करा

‘‘शेतकरी हा आपल्या अर्थव्यवस्थेचा कणा आहे. दुष्काळासारख्या नैसर्गिक संकटात बळीराजाच्या पाठीशी खंबीरपणे उभे राहणे ही आपली सामूहिक जबाबदारी आहे. वाढदिवसानिमित्त हार-तुरे आणि उत्सवांपेक्षा गरजू शेतकऱ्यांना मदतीचा हात देणे अधिक समाधानकारक आहे. याच भावनेतून ‘आमदार राहुलदादा कुल मित्र मंडळ, दौंड’च्या वतीने मुख्यमंत्री सहाय्यता निधीला ४९ लाख रुपयांचे योगदान दिले आहे. शेतकऱ्यांच्या चेहऱ्यावर पुन्हा हास्य फुलावे, हाच या उपक्रमामागील प्रामाणिक उद्देश आहे.’’

– राहुल कुल, आमदार, दौंड, भाजपा.

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group