Breaking-newsताज्या घडामोडीमुंबई

धक्कादायक! कुत्र्यानं उडी मारली आणि प्लायवूडचा ढिगारा कोसळला, सख्ख्या बहिणींचा मृत्यू

ठाणे: प्लायवूडचा ढिग अंगावर कोसळून दोन सख्ख्या बहिणींचा मृत्यू झाल्याची धक्कादायक घटना समोर आलेली आहे. या घटनेमुळे कुटुंबियांवर दु:खाचा डोंगर कोसळला आहे. ठाण्यातील शिळफाटा परिसरात गोडाऊनमध्ये ही घटना रविवारी रात्री उशिरा घडलेली आहे. मिळालेल्या माहितीनुसार रविवारी रात्री 9 च्या सुमारास शेजारी असणारा कुत्रा या गोडाऊनमध्ये शिरला होता. कुत्रा भटकत असताना अचानक त्यानं उडी मारली आणि मोठा आवाज झाला होता. त्याच्या एका उडीमुळे तिथे असलेला प्लायवूडचा ढिगारा खाली कोसळला आहे. प्लायवूड पडल्यानं आवाज झाला त्यामुळे नेमकं काय घडलं हे पाहण्यासाठी शेजारी आणि कुटुंबीय तिथे आलेले होते.

त्यांनी प्लायवूडचा ढिगारा हटवल्यानंतर दोन मुली बेशुद्ध अवस्थेत दिसल्या होत्या. या मुलींना तातडीनं उपचारासाठी रुग्णालयात दाखल करण्यात आलं होते. मात्र तोपर्यंत दोन सख्ख्या बहिणींनी प्राण सोडले होते. 11 वर्षांची रंजू आणि 9 वर्षांच्या मंजू अशी या दोन बहिणींची नावं आहेत. पोलिसांनी दिलेल्या माहितीनुसार एकूण 8 भावंडं आहेत. तर शेजाऱ्यांनी दिलेल्या माहितीनुसार छाती आणि डोक्यावर प्लायवूडचा ढिगारा पडल्यानं गंभीर जखम झालेली होती. या दोन बहिणींना कळव्यातील रुग्णालयात उपचारासाठी दाखल करण्यात आलं मात्र तोपर्यंत त्यांचा मृत्यू झालेला होता. सध्या या प्रकऱणी पोलिसांकडून तपास सुरू आहे.

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group