किल्ले रायगडावरील रोपवे सेवा ३ नोव्हेंबरपासून पुन्हा सुरू; दुरुस्तीचे काम वेळेपूर्वीच पूर्ण

रायगड |छत्रपती शिवाजी महाराजांची राजधानी असलेल्या ऐतिहासिक किल्ले रायगडावर जाणाऱ्या शिवभक्त आणि पर्यटकांसाठी अत्यंत दिलासादायक बातमी समोर आली आहे. वार्षिक देखभाल आणि दुरुस्तीच्या कामांसाठी तात्पुरती बंद ठेवण्यात आलेली रायगड रोपवे सेवा मंगळवार, ३ नोव्हेंबरपासून पुन्हा नियमित सुरू होत आहे. रायगड रोपवेच्या कार्यकारी संचालिका वैशाली जोग यांनी अधिकृतपणे ही माहिती दिली आहे.

पर्यटकांच्या सुरक्षेच्या दृष्टीने आवश्यक असलेल्या तांत्रिक दुरुस्ती आणि देखभालीसाठी ही सेवा २१ सप्टेंबरपासून तात्पुरती बंद करण्यात आली होती. रोपवे व्यवस्थापन आणि तांत्रिक पथकाने घेतलेल्या अथक परिश्रमांमुळे ही सर्व तांत्रिक तपासणी व दुरुस्तीची कामे नियोजित वेळेपूर्वीच यशस्वीरीत्या पूर्ण झाली आहेत. त्यामुळे पर्यटकांच्या सोयीसाठी ही सेवा ३ नोव्हेंबरपासून पूर्ववत सुरू करण्याचा निर्णय घेण्यात आला.

हेही वाचा

न्यूझीलंड दौऱ्यावर यशस्वी जैस्वालचे दमदार पुनरागमन; दुसऱ्या डावात १६२ चेंडूंत नाबाद १५५ धावा

शिवभक्त, ज्येष्ठ नागरिक आणि पर्यटकांना मोठा दिलासा

दुर्गराज रायगडावर पायऱ्या चढून जाणे ज्येष्ठ नागरिक, लहान मुले आणि महिलांसाठी अनेकदा आव्हानात्मक ठरते. अशा वेळी रायगड रोपवे ही पर्यटकांसाठी अत्यंत सोयीस्कर आणि सुरक्षित सुविधा ठरते. गेले काही दिवस ही सेवा बंद असल्याने गडावर येणाऱ्या अनेक शिवभक्तांची व पर्यटकांची गैरसोय होत होती. आता ही सेवा पुन्हा सुरू होत असल्याने पर्यटकांचा प्रवास सुलभ होणार असून पर्यटनालाही पुन्हा वेग येणार आहे.

महाईन्यूज-X वर फॉलो करा : महाईन्यूजला instagram वर फॉलो करा