आशियाई क्रीडा स्पर्धेत लव्हलिना बोरगोहेनचे ऐतिहासिक सुवर्णपदक!
Lovlina Borgohain Asian Games 2026 | भारताची स्टार ऑलिम्पिक पदक विजेती मुष्टियोद्धा लव्हलिना बोरगोहेन हिने आशियाई क्रीडा स्पर्धा २०२६ मध्ये सुवर्णपदकाला गवसणी घालत नवा इतिहास रचला आहे. महिलांच्या ७५ किलो वजनी गटाच्या अंतिम सामन्यात तिने यजमान खंडातील तगडी प्रतिस्पर्धी चीनच्या झियी बाओ हिचा ५-० असा एकतर्फी धुव्वा उडवला. विशेष म्हणजे, आपल्या वाढदिवसाच्याच दिवशी सुवर्णपदक पटकावून लव्हलिनाने या यशाचा आनंद द्विगुणित केला आहे. या सुवर्ण पदकासह आशियाई क्रीडा स्पर्धेत बॉक्सिंगमध्ये सुवर्ण जिंकणारी ती दिग्गज मेरी कोमनंतरची केवळ दुसरीच भारतीय महिला बॉक्सर ठरली आहे.
२०२२ च्या हांगझोऊ आशियाई क्रीडा स्पर्धेत लव्हलिनाला रौप्यपदकावर समाधान मानावे लागले होते. मात्र, यंदा तिने पदकाचा रंग बदलून थेट सुवर्णाला गवसणी घातली. उपांत्य फेरीत कझाकिस्तानच्या नताल्या बोगदानोव्हाचा पराभव करत तिने अंतिम फेरी गाठली होती. आज अंतिम फेरीत चिनी बॉक्सरने सुरुवातीपासून आक्रमक पवित्रा घेतला होता; मात्र लव्हलिनाने कमालीचा संयम आणि तंत्रशुद्ध खेळी करत पहिली फेरी ३-२ ने आणि दुसरी फेरी ४-१ ने आपल्या नावे केली. अखेर तिसऱ्या फेरीत पूर्ण वर्चस्व राखत तिने ५-० अशा सर्वसंमतीने विजय नोंदवला.
हेही वाचा
ICC वनडे विश्वचषक २०२७ चे वेळापत्रक जाहीर! १० ऑक्टोबरला भारत-पाक महामुकाबला
12th Gold medal for Lovlina Borgohain 🔥🔥
Defeats Chinese boxer in the final🔥 https://t.co/xXhceRGyvX
— XUnfiltered (@XUnfiltere69061) October 2, 2026
कारकिर्दीत आणखी एक मानाचा तुरा
२८ वर्षीय लव्हलिनाच्या खात्यात आता ऑलिम्पिक, जागतिक अजिंक्यपद, आशियाई चॅम्पियनशिप आणि आशियाई क्रीडा स्पर्धेचे सुवर्ण अशी सर्वच प्रमुख आंतरराष्ट्रीय पदके जमा झाली आहेत. लव्हलिनाच्या या ऐतिहासिक कामगिरीमुळे चालू आशियाई क्रीडा स्पर्धेत भारताच्या सुवर्णपदकांची संख्या १२ वर पोहोचली असून भारताची पदकांची घोडदौड वेगाने सुरू आहे.
महाईन्यूज-X वर फॉलो करा : महाईन्यूजला instagram वर फॉलो करा
