पिंपरी चिंचवड स्मार्ट सिटीच्या सह मुख्य कार्यकारी अधिकारी (एबीडी) पदी शहर अभियंता मनोज सेठिया यांची नियुक्ती
पिंपरी-चिंचवड: पिंपरी चिंचवड स्मार्ट सिटी लिमिटेडच्या (PCSCL) सह मुख्य कार्यकारी अधिकारी (एबीडी) पदी शहर अभियंता मनोज सेठिया यांची नियुक्ती करण्यात आली आहे. स्मार्ट सिटी संचालक मंडळाची बैठक चिंचवड येथील ऑटो क्लस्टर येथे पार पडली. त्यावेळी नियुक्तीबाबत निर्णय घेण्यात आला.
शहराच्या सर्वांगीण विकासाला गती देण्यासाठी आणि नागरिकांना अत्याधुनिक सुविधा उपलब्ध करून देण्यासाठी या बैठकीत विविध विषयांवर सविस्तर चर्चा करण्यात आली. माजी शहर अभियंता मकरंद निकम यांच्या राजीनाम्यामुळे रिक्त झालेल्या जागेवर ही निवड करण्यात आली आहे.
हेही वाचा – मराठवाड्यात पाणीटंचाईचे संकट गडद; धरणांतील पाणी केवळ पिण्यासाठी राखीव
शहराच्या विकासाला अधिक गतिशीलता प्रदान करणाऱ्या या बैठकीस आयुक्त डॉ. विजय सूर्यवंशी, सत्तारूढ पक्षनेते श्री. प्रशांत शितोळे, विरोधी पक्षनेते श्री. भाऊसाहेब भोईर, पीएमपीएमएलचे (PMPML) व्यवस्थापकीय संचालक श्री. महेश आव्हाड, शहर अभियंता तथा नवनियुक्त सह मुख्य कार्यकारी अधिकारी (एबीडी) श्री. मनोज सेठिया, संचालक श्री. प्रदीप भार्गव, तसेच श्री. यशवंत भावे यांच्यासह सर्व सन्माननीय अधिकारी व संचालक उपस्थित होते. या नवीन नियुक्तीमुळे पिंपरी-चिंचवडमधील सुरू असलेल्या स्मार्ट सिटी प्रकल्पांच्या कामांना अधिक वेग येईल, असा विश्वास यावेळी व्यक्त करण्यात आला.
महाईन्यूज-X वर फॉलो करा : महाईन्यूजला instagram वर फॉलो करा
