TOP News । महत्त्वाची बातमी ताज्या घडामोडी मनोरंजन

Krishna Shroff : टायगर श्रॉफची बहीण ते यशस्वी Founder; फिटनेस आणि MMA क्षेत्रात कृष्णाची दमदार भरारी

PAN-India जिम चेनपासून Matrix Fight Nightपर्यंतचा प्रवास; भारतीय MMA प्रतिभेला नवे व्यासपीठ देण्याचा कृष्णाचा प्रयत्न

0 10,018 1 minute read

Krishna Shroff : टायगर श्रॉफची बहीण ते यशस्वी Founder; फिटनेस आणि MMA क्षेत्रात कृष्णाची दमदार भरारी

मुंबई : अभिनेता टायगर श्रॉफची बहीण आणि जॅकी श्रॉफ यांची मुलगी अशी ओळख असली तरी कृष्णा श्रॉफने स्वतःची वेगळी ओळख निर्माण केली आहे. फिटनेस, स्पोर्ट्स आणि मिक्स्ड मार्शल आर्ट्सच्या क्षेत्रात कृष्णाने उल्लेखनीय कामगिरी केली असून, आता ती केवळ सेलिब्रिटी म्हणून नव्हे तर एक यशस्वी उद्योजिका आणि Founder म्हणून ओळखली जाते.

कृष्णा श्रॉफने फिटनेसच्या क्षेत्रात पाऊल ठेवत PAN-India जिम चेन उभी केली. त्यासोबतच तिने Matrix Fight Night (MFN) या मिक्स्ड मार्शल आर्ट्स प्रमोशनच्या माध्यमातून भारतीय फायटर्सना व्यासपीठ उपलब्ध करून दिले. तिच्या नेतृत्वाखाली MFN आता आपल्या 19व्या आवृत्तीकडे वाटचाल करत आहे.

कृष्णा श्रॉफच्या मते, तिच्या या उपक्रमांचा उद्देश केवळ प्रसिद्धी मिळवणे नाही. भारतीय MMA क्षेत्राला सक्षम व्यासपीठ मिळावे आणि देशातील प्रतिभावान फायटर्सना योग्य संधी मिळावी, हा तिच्या कामामागचा मुख्य उद्देश आहे.

“मी हे लक्ष वेधून घेण्यासाठी उभारत नाहीये. भारतीय MMA अधिक चांगले असण्यास पात्र आहे म्हणून मी हे उभारत आहे,” अशी भूमिका कृष्णाने व्यक्त केली आहे. MFN हे कॅमेऱ्यासमोर राहण्यासाठी नव्हे, तर खऱ्या फायटर्ससाठी एक मजबूत व्यासपीठ निर्माण करण्यासाठी असल्याचेही ती सांगते.

हेही वाचा – ‘हे पाप 1994 साली झालं’; मराठा आरक्षणावरून राधाकृष्ण विखे पाटलांचा शरद पवारांवर निशाणा

सेलिब्रिटी कुटुंबातून येत असूनही कृष्णाने आपल्या व्यवसायाला केवळ श्रॉफ कुटुंबाच्या प्रसिद्धीवर अवलंबून ठेवले नाही. तिच्या फिटनेस व्यवसायाला आणि MMA स्पर्धांना स्वतंत्र विश्वासार्हता, चाहतावर्ग आणि ओळख मिळावी, यासाठी तिने सातत्याने काम केले.

फायटर्स घडवण्यापासून MMA Matrixचे फ्रँचायझी नेटवर्क उभारण्यापर्यंत कृष्णाने क्रीडा व्यवसायाची मजबूत पायाभूत रचना उभी केली आहे. तळागाळातील प्रतिभेला संधी देतानाच मोठ्या स्तरावर प्रीमियम स्पोर्ट्स इव्हेंट्सची निर्मिती करण्याचा तिचा प्रयत्न आहे.

व्यवसायासोबतच कृष्णा श्रॉफने रिअॅलिटी टीव्हीमध्येही आपली छाप पाडली आहे. ‘खतरों के खिलाडी’, ‘छोरियां चली गाव’ आणि ‘द 50’ यांसारख्या स्पर्धात्मक रिअॅलिटी शोमध्ये सहभागी होत तिने प्रेक्षकांचे लक्ष वेधून घेतले.

फिटनेस आयकॉन, रिअॅलिटी टीव्ही स्पर्धक आणि उद्योजिका अशी कृष्णाची ओळख आता अधिक व्यापक झाली आहे. टायगर श्रॉफची बहीण म्हणून मिळालेली ओळख मागे टाकत स्वतःच्या मेहनतीने व्यवसाय उभारणारी Founder म्हणून कृष्णा श्रॉफची वाटचाल चर्चेचा विषय ठरत आहे.