पिंपरी-चिंचवडमधील मुस्लिम समाजाचे आंदोलन स्थगित

पिंपरी | मुस्लिम समाजाच्या धार्मिक स्थळांवर होत असलेल्या भेदभावपूर्वक कारवाईच्या विरुद्ध तसेच कोणत्याही धर्मीयांची प्रार्थना स्थळे पाडू नये या प्रमुख मागणीसाठी आज शुक्रवारी (दि.१८ नोव्हेंबर) दुपारी पिंपरी महानगरपालिका भवन येथे मूक धरणे आंदोलन आयोजित केले होते. सदर आंदोलन प्रशासनाची झालेल्या सकारात्मक चर्चेमुळे पुढील दोन महिन्यांसाठी स्थगित करण्यात आलेले आहे.

महानगरपालिक आयुक्त व पोलिस आयुक्त तसेच शिष्ठमंडळाशी झालेल्या चर्चेत खालील मागण्या मंजुर करण्यात आल्या आहेत.

१) मुस्लिम समाजाच्या तसेच अन्य कोणत्याही धार्मिक स्थळांवर (विकास कामांच्या आड येणाऱ्या स्थळांव्यतिरिक्त) कारवाई करण्यात येणार नाही.

२) मुस्लिम समाजाला दिल्या जात असलेल्या भेदभावपूर्वक वातावरणाची वस्तुस्थिती लक्षात घेता पुढील कालावधीमध्ये मुस्लिम धर्मियांची प्रार्थना स्थळे मदरसे, दफनभूमी इत्यादीसाठी पालिकेच्या वतिने विकास आराखड्यात जागा आरक्षित करून देण्यात येतील.

हेही वाचा    –    ‘महाराष्ट्रातले काँग्रेस नेते निर्णय घेण्यास सक्षम नाहीत’; संजय राऊत 

३) पिंपरी चिंचवड महानगरपालिका हद्दीत राहणाऱ्या मुस्लिम समाज बांधवांसाठी एकावेळी पाच हजार लोक सामावले जातील या क्षमतेचे सांस्कृतिक भवन अर्थात मुस्लिम कम्युनिटी सेंटर उभे करण्यात येईल.

४) महानगरपालिकेच्या उर्दू शाळेतील वर्ग संख्या वाढवण्यात यावी तसेच उर्दू शिक्षकांची नव्याने भरती करून यापूर्वीच्या व आताच्या शिक्षकांना कायम सेवेत सामावून घेण्यात येईल.

५) मुस्लिम समाजाकडून गेल्या अनेक वर्षापासून स्लॉटर हाऊस सुरू करण्याची मागणी आपणाकडे करण्यात येत असून यास आपण वेळोवेळी सहमती दर्शवलेली आहे. तरी सदर स्लॉटर हाऊस तात्काळ उभारण्यात येईल. तात्पुर्ती व्यवस्था लवकरच करु असेही अश्वासन दिले आहे.

या सकारात्मक चर्चे मुळे आज शुक्रवारी होणारे मूक धरणे आंदोलन रद्द केले आहे, याची नोंद घ्यावी अशी विनंती आंदोलनाचे आयोजक शहाबुद्दीन शेख, राहुल डंबाळे, याकुब शेख, युसुफ शेख, हाजी गुलाम रसुल, फजल शेख यांनी केली आहे.