Breaking-newsताज्या घडामोडीराष्ट्रिय

मास्क वापराच्या सक्तीसाठी राजस्थानमध्ये विधेयक सादर

जयपूर – कोरोना विषाणूचा फैलाव रोखण्याच्या उद्देशाने, सार्वजनिक ठिकाणी मास्क अथवा तोंड व नाक झाकणे अनिवार्य करणारे दुरुस्ती विधेयक राजस्थान सरकारने काल शनिवारी राज्य विधानसभेत मांडले. राजस्थान संसर्गजन्य रोग (दुरुस्ती) विधेयक २०२० संसदीय कार्य मंत्री शांती धारिवाल यांनी मांडले. या कायद्याच्या कलम ४ मध्ये नवे उपकलम जोडण्यात आले असून त्याद्वारे मास्क अथवा आच्छादनाद्वारे चेहरा व नाक योग्यरीतीने झाकल्याशिवाय लोकांना सार्वजनिक ठिकाणी वावरण्यास प्रतिबंध करण्यात आला आहे.

‘मास्कच्या वापरामुळे कोविड-१९वर मोठ्या प्रमाणात नियंत्रण ठेवण्यास आणि लाखो जीव वाचवण्यास मदत होते, असे जगभरातील आरोग्यतज्ज्ञांचे मत आहे’, असे या विधेयकाच्या विवरणात म्हटले आहे. सार्वजनिक ठिकाण, कामाचे ठिकाण, सामाजिक व राजकीय मेळावे, तसेच सार्वजनिक व खासगी वाहतूक यांत मास्क घालणे अनिवार्य करण्यात यावे असे राज्य सरकारचे मत आहे, असेही या विवरणात नमूद केले आहे.

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group